Mediante o Decreto número 2023004316, do 25 de agosto de 2023, acordouse:
Primeiro. En relación co NRE 2023008698, do 14 de maio, que contén alegacións presentadas por Enrique S. Roel Estrada, estímase a alegación en canto a incluílo como interesado no procedemento, e dáse traslado do conflito en relación coa propiedade de 45,00 m² no linde das parcelas 3440796NJ5033N0001GU (propiedade do interesado) e 3440775NJ5033N0001KU (propiedade de Promociones Coruñesas Siglo XXI, S.L.) para que se inicien as operacións conducentes á resolución do conflito polas vías oportunas.
Tómase coñecemento do ofrecemento de cesión de terreos destinados a vía por parte de Enrique S. Roel para o caso de que fose útil no proceso de desenvolvemento do ámbito.
Segundo. Aprobar e ratificar o texto definitivo do convenio urbanístico para a elaboración e execución do proxecto de urbanización na UA-31 Finca Urioste (Xoez-Serantes), contido no anexo deste decreto.
Terceiro. Convocar a Víctor Manuel García Rodríguez, con DNI número **7777***, en nome e representación da sociedade mercantil Promociones Coruñesas Siglo XXI, S.L., domiciliada na rúa Cubelos, número 21 D, baixo, 15172 Perillo, Oleiros (A Coruña), con CIF B-15765993, constituída por tempo indefinido en escritura pública nº 5147 do 28 de novembro de 2000 outorgada polo notario Ramón González Gómez, e inscrita no Rexistro Mercantil desta provincia, tomo 2.415, folio 78, folla C-25.874, inscrición 1ª para a aceptación e sinatura electrónica do texto definitivo de conformidade co artigo 168.3 da LSG, e 401.4 RSG.
Cuarto. Publicar no Diario Oficial de Galicia o presente acordo, co texto definitivo do mencionado convenio urbanístico, unha vez formalizado, debendo en todo caso asinarse este dentro dos quince días seguintes á notificación da aprobación do texto definitivo pola/s persoa/persoas interesadas.
Quinto. Notificar a resolución á entidade promotora e ás persoas titulares catastrais das parcelas afectadas.
O texto íntegro do convenio pode consultarse na seguinte ligazón: https://www.oleiros.org/documents/39407/55937/Certificado_convenio_UA-313771072643554362592.pdf/9497c8bb-fa8b-9686-1017-36a9e5ea950e?t=1694079852408
Oleiros, 7 de setembro de 2023
Ángel García Seoane
Alcalde presidente