Para os efectos de darlle cumprimento ao solicitado polo Xulgado do Contencioso-Administrativo número 1 de Santiago de Compostela, en relación co procedemento ordinario 288/2023, interposto pola persoa con DNI 33258756C, contra a resolución desestimatoria ditada polo director da Axencia de Protección da Legalidade Urbanística o 9 de maio de 2023 no recurso de reposición, interposto contra outra do 14 de setembro de 2022 (expediente COR/136/2021-RP1), en que se declara que as obras executadas consistentes na ampliación da planta baixa do inmoble sito na rúa Caldeirería, núm. 37, en Santiago de Compostela, sobre o espazo existente entre as unidades edificatorias 4104.01 e 4104.02, non son legalizables por ser incompatibles co ordenamento urbanístico, e ordena a demolición das obras e a reposición dos terreos afectados ao estado anterior ao inicio das obras a cargo dos interesados, no prazo de tres meses, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Santiago de Compostela.
Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, do procedemento administrativo común das administracións públicas, notifícaselle por medio dun anuncio publicado no Boletín Oficial del Estado), emprázase a persoa con DNI 11804273Y, para que poida presentarse como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 28 de setembro de 2023
Jacobo Hortas García
Director da Axencia de Protección da Legalidade Urbanística