Expediente: IN407A 2023/341-1.

Solicitante/promotor: UFD Distribución Electricidad, S.A.

Denominación: LMT, CT e RBT Tumbadoiro.

Concello: Sada.

1. Características técnicas:

Modificación, sen alterar a súa traza actual, da liña de alimentación ao CT Tumbadoiro, de 156 metros de lonxitude en condutor tipo LA-56, con orixe no apoio nº 8 (matrícula AKD6DIEQ) metálico tipo CH-1600/15-CR1 pertencente á arquitectura do treito da LMT SAD-714 autorizado no expediente 27.402, e o apoio nº 8-3-CT (matrícula AKDG49WP) de formigón tipo FL-HV-1000/11-CR1, en que se atopa instalado o CT Tumbadoiro (expediente IN407A 2016/2542-1/matrícula 15AR01), consistente en:

– Instalación, no antedito apoio nº 8, de elementos de protección e manobra tipo XS.

– Instalación, no apoio nº 8-1 (matrícula AKDQKGQS) de formigón tipo HV-630/15-CR1, que mantén a súa localización actual, dun paso aéreo-soterrado (PA/S) dotado de xogo de pararraios autoválvulas e de novos elementos de protección e manobra tipo XS.

Instalación, na parcela con referencia catastral 15076A012001660000EL sita no lugar de Tumbadoiro, dun novo centro de transformación prefabricado de formigón tipo rural fin de liña, compacto de manobra exterior, de 100 kVA de potencia, relación de transformación 15/0,4-0,23 kV e configuración de celas 1L+1P, con cadro de baixa tensión con tres (3) saídas (unha de reserva).

Nova liña eléctrica de media tensión soterrada, a 15 kV, de 60 metros de lonxitude en condutor tipo RHZ1-2OL 12/20 kV 3 (1 × 150 mm² Al), con orixe no paso aéreo-soterrado (PA/S) para instalar apoio nº 8-1 modificado e remate en cela de liña do CT proxectado.

Reordenación da rede de baixa tensión (RDBT) actualmente alimentada polo CT Meirás Iglesia (expediente IN407A 1997/27-1/matrícula 15AHW8), que resultará parcialmente descargado, mediante a instalación dun (1) circuíto soterrado de baixa tensión (RBTS) de 146 metros de lonxitude en condutor tipo XZ1 0,6/1 kV 4 (1 × 150 mm2 Al), con orixe no cadro de baixa tensión (CBT) do CT proxectado e remate no acoplamento coa rede aérea de baixa tensión existente por realizar no paso soterrado-aéreo (PS/A) proxectado en apoio de formigón tipo IB/9 existente.

2. Lexislación de aplicación:

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

• Lei 24/2013, do 26 de decembro, do sector eléctrico (BOE núm. 310, do 27 de decembro).

• Real decreto 1955/2000, do 1 de decembro polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

• Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).

• Lei do 16 de decembro de 1954, sobre expropiación forzosa (BOE núm. 351, do 17 de decembro).

• Decreto do 26 de abril de 1957 polo que se aproba o regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

A documentación estará á disposición das persoas interesadas nas dependencias da Sección de Enerxía da Xefatura Territorial da Consellería de Economía, Industria e Innovación da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no taboleiro de anuncios do Concello. Ademais, poderá consultarse no Portal de transparencia e goberno aberto desta consellería:

https://economia.xunta.gal/transparencia/informacion-publica/en-tramitacion/instalacions-electricas-distribucion-e-transporte?langId=es_ES

Isto faise público para coñecemento xeral e particular das persoas propietarias dos predios que figuran na relación anexa a este acordo, así como das persoas titulares de dereitos reais ou intereses económicos sobre os bens afectados que fosen omitidos. Poderán examinar a documentación técnica e, de der o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.

A Coruña, 14 de setembro de 2023

Isidoro Martínez Arca
Xefe territorial da Coruña

ANEXO

Relación de bens e dereitos afectados

Expediente: IN407A 2023/341-1-LMT, CT e RBT Tumbadoiro (Sada).

Parcela proxecto	Propietario/titular	Referencia catastral	Lugar	Afección pleno dominio (LMT e CT e/ou apoios)		LMT soterrada (servidume de paso de enerxía eléctrica)		Natureza do terreo
				CT/Nº do apoio	Superficie (m2)	Lonxitude (m)	Superficie (m2)
1	Héctor García Barreiro Sonia García Barreiro	15076A012001640000EQ	Torrón			5,5	16,5	Rústico. Agrario
2	Ernesto García Ureta	15076A012001660000EL	Torrón	CT e acceso	18,86			Rústico. Agrario