Para os efectos de darlle cumprimento ao solicitado polo Xulgado do Contencioso-Administrativo número 3 de Pontevedra, en relación co procedemento ordinario número 29/2023, interposto pola persoa con DNI 76857000Q, contra a resolución desestimatoria ditada polo director da Axencia de Protección da Legalidade Urbanística o 7 de novembro de 2022 no recurso de reposición, interposto contra outra do 2 de novembro de 2017 (expediente PON/188/2016-RP1) en que se declara que as obras de construción dunha edificación de planta baixa e soleira destinada a usos residenciais, executadas nas parcelas 779 e 781 do polígono 511 (referencia catastral 36017P511007810000DJ), no lugar dos Sueiros, A Somoza, concello da Estrada, non son legalizables por seren incompatibles co ordenamento urbanístico e ordena a demolición das obras, a reposición dos terreos afectados ao estado anterior ao inicio das obras, así como o cesamento definitivo dos usos aos cales desen lugar, esta dirección resolveu ordenar a remisión do correspondente expediente ao Xulgado do Contencioso-Administrativo número 3 de Pontevedra.
Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, do procedemento administrativo común das administracións públicas, LPACAP, notifícaselle por medio dun anuncio publicado no Boletín Oficial del Estado) e se empraza a persoa con DNI 35389647F, para que poida presentarse como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 11 de setembro de 2023
Jacobo Hortas García
Director da Axencia de Protección
da Legalidade Urbanística