En cumprimento do disposto no artigo 22.2 da Lei 3/2007 de prevención e defensa contra incendios forestais de Galicia, fago público que polo Decreto 253/2023, do 24 de maio de 2023, resolveuse o que sigue:

Primeiro. Executar subsidiariamente, por parte do concello, a xestión da biomasa existente na parcela con referencia catastral 36036A013000020000QU, que figura a nome de Coufane, C.B., por risco de incendio de acordo co previsto na Lei 3/2007 de prevención e defensa contra incendios forestais de Galicia, unha vez verificado que xa foi obxecto de execución subsidiaria no ano 2020, e no ano 2022, por imposibilidade de contactar co titular, aplicando o previsto no artigo 22.2 da mesma lei.

Segundo. Liquidar anticipadamente os custos da execución subsidiaria da parcela de Coufane, C.B., co seguinte detalle:

Superficie da parcela (segundo datos catastrais)............................… 883 m2.

Valoración €/ha de traballos de xestión da biomasa.............… 3.953,15 €/ha.

Total liquidación............................................................................… 317,44 €.

IVE.........................................................................................................6,66 €.

Total………………………………………………….............................. 384,10 €.

Terceiro. Ordenar a publicación da presente resolución, mediante o anuncio no DOG e no TEU pola vía de urxencia, dadas as datas do ano en que estamos, e unha vez confirmado en varias ocasións que non reciben as notificacións que se envían ao único enderezo que consta a esta administración.

Cuarto. Dar conta ao Pleno na primeira sesión ordinaria que celebre.

O expediente completo está á súa disposición nas dependencias municipais.

Contra a presente resolución, que pon fin á vía administrativa, procede recurso potestativo de reposición, no prazo de 1 mes, ou ben, contencioso-administrativo no prazo de 2 meses (artigos 123 e 124 da Lei 39/2015, do 1 de outubro, do procedemento administrativo común das administracións públicas).

Ademais, e polo que respecta á liquidación en voluntaria, que ascende a 384,10 €, requíreselle o pagamento mediante ingreso en conta bancaria municipal aberta a nome do Concello de Oia no Banco Pastor número ES24/0238/8336/4606/6000/0173, nos prazos referidos na Lei xeral tributaria.

Oia, 28 de agosto de 2023

Cristina Correa Pombal
Alcaldesa