O Real decreto 27/2016, do 29 de xaneiro, polo que se aproba o Regulamento técnico de control e certificación da pataca de sementeira, no seu artigo 4.4, establece que anualmente se publicará no boletín ou no diario oficial que corresponda a relación de localidades autorizadas para a produción da pataca de sementeira na campaña, dentro das zonas autorizadas, e entenderase que, de non facerse, continuará en vigor a publicada o ano anterior.
Unha vez examinadas as propostas emitidas polas entidades produtoras da pataca de sementeira, relativas ás localidades desta comunidade autónoma para as que se solicita autorización, segundo o disposto no artigo 4.4 do Real decreto 27/2016, do 29 de xaneiro, e visto o informe proposta favorable do xefe do Servizo de Sanidade e Produción Vexetal,
RESOLVO:
Artigo 1
Autorizar as localidades dos termos municipais de Galicia que se relacionan a seguir para a produción da pataca de sementeira durante a campaña 2023/2024.
Núm. orde |
Parroquia |
Concello |
Provincia |
1 |
Santa María de Castelo |
Taboada |
Lugo |
Santiago de Compostela, 29 de agosto de 2023
Silvestre José Balseiros Guinarte
Director xeral de Gandaría, Agricultura
e Industrias Agroalimentarias