Expediente: IN407A 2021/280-4 modificado.

Promotora: UFD Distribución Electricidad, S.A.

Denominación: substitución LMTS VLG809 entre CT Progreso e CT Edificio Progreso 38.

Concello: Sanxenxo.

Feitos:

Primeiro. O 11 de novembro de 2021, a empresa UFD Distribución Electricidad, S.A. solicitou a autorización administrativa previa e a autorización administrativa de construción do proxecto de execución da instalación Substitución LMTS VLG809 entre CT Progreso e CT Edificio Progreso 38.

Examinado o proxecto de execución, conclúese que a infraestrutura eléctrica consiste na substitución de 180 metros de condutor RHZ1-3(1×150) mm2 Al da liña de media tensión subterránea VLG809, no tramo VLG8091734, por 211 metros de condutor RHZ1-3(1×240) mm2 Al. As instalacións están localizadas nas rúas Sanxenxo e Progreso, na parroquia de Padriñán, no concello de Sanxenxo (Pontevedra).

Segundo. O 15 de febreiro de 2022, esta xefatura territorial ditou unha resolución pola que se conceden a autorización administrativa previa e autorización administrativa de construción dunha instalación eléctrica no concello de Sanxenxo (expediente IN407A 2021/280-4), coas seguintes características técnicas:

Liña de media tensión subterránea (LMTS) a 20 kV con condutor tipo RHZ1-3(1×240) mm2 Al de 211 metros de lonxitude, con orixe no centro de transformación (CT) Progreso (36CCG0) e final no CT Edificio Progreso 38 (36SZL1).

As instalacións están localizadas nas rúas Sanxenxo e Progreso, na parroquia de Padriñán, no concello de Sanxenxo (Pontevedra).

Terceiro. O 27 de xullo de 2022, UFD achegou un modificado ao proxectado orixinal por haber excesivos servizos no trazado proxectado inicialmente.

De acordo co proxecto modificado, do trazado da liña de media tensión subterránea autorizada mantense 91 metros e modifícanse 129 metros, pasando a un total de 220 metros de lonxitude entre os centros de transformación Progreso (36CCG0) e Edificio Progreso 38 (36SZL1).

Cuarto. Esta xefatura territorial solicitou o preceptivo informe ás distintas administracións, organismos ou, de ser o caso, empresas de servizos de interese xeral afectadas, isto é, o Concello de Sanxenxo, a Deputación Provincial de Pontevedra e a Axencia Galega de Infraestruturas. A empresa promotora manifestou a súa conformidade co condicionado emitido pola Deputación Provincial de Pontevedra.

Os demais organismos non emitiron os condicionados técnicos, entendéndose en consecuencia a súa conformidade coa autorización de construción da dita infraestrutura eléctrica, conforme o disposto no artigo 131 do Real decreto 1955/2000, do 1 de decembro; sen prexuízo da autorización que lles corresponda outorgar.

Consideracións legais e técnicas:

Primeiro. A Xefatura Territorial de Pontevedra é competente para resolver este expediente con fundamento no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG núm. 126, do 4 de xullo) e no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro).

Segundo. A lexislación de aplicación ao presente expediente é:

Lei 24/2013, do 26 de decembro, do sector eléctrico.

Lei 39/2015, do 1 de outubro, do procedemento administrativo común das administracións públicas.

Lei 40/2015, do 1 de outubro, de réxime xurídico do sector público.

Lei 9/2021, do 25 de febreiro, de simplificación administrativa e de apoio á reactivación económica de Galicia.

Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).

Terceiro. As características técnicas da instalación son as que a seguir se describen:

Liña de media tensión subterránea (LMTS) a 20 kV con condutor tipo RHZ-1, de 220 metros de lonxitude, con orixe no centro de transformación (CT) Progreso (36CCG0) e final no CT Edificio Progreso 38 (36SZL1).

As instalacións están localizadas nas rúas Sanxenxo e Progreso, na parroquia de Padriñán, no concello de Sanxenxo (Pontevedra).

Conforme o indicado,

RESOLVO:

Primeiro. Deixar sen efecto a Resolución do 15 de febreiro de 2022, da Xefatura Territorial de Pontevedra, pola que se conceden a autorización administrativa previa e a autorización administrativa de construción dunha instalación eléctrica no concello de Sanxenxo (expediente IN407A 2021/280-4).

Segundo. Outorgar a UFD Distribución Electricidad, S.A. as autorizacións administrativas previa e de construción da instalación de distribución de enerxía eléctrica denominada Substitución LMTS VLG809 entre CT Progreso e CT Edificio Progreso 38 (expediente IN407A 2021/280-4 modificado), cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condicións establecidas nos condicionados dos organismos que constan no expediente.

Terceiro. UFD Distribución Electricidad, S.A. asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade. En todo momento deberanse cumprir as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09 e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Cuarto. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución, que non é definitiva en vía administrativa, poderase interpoñer recurso de alzada ante a conselleira de Economía, Industria e Innovación da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 31 de xullo de 2023

Beatriz López del Olmo
Xefa territorial de Pontevedra