En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de organizacións sindicais e empresariais desta dirección xeral se acordou depositar o acordo de modificación dos estatutos da Federación Galega do Taxi na que tamén cambiou a denominación a Unión de Taxis de Galicia (https://expinterweb.mites.gob.es/deose/publico/copiaEstatutos).
– Ámbito territorial: Comunidade Autónoma de Galicia.
– Ámbito profesional: poderán pertencer á Unión de Taxis de Galicia todas aquelas asociacións u organizacións empresariais que no territorio da Comunidade Autónoma de Galicia asocien persoas físicas ou xurídicas que se dediquen á actividade de auto-taxi ou similares.
– Asinantes: Eduardo Vázquez Seoane e Emilio Mosquera Rodríguez.
Santiago de Compostela, 13 de xullo de 2023
Elena Mancha Montero de Espinosa
Directora xeral de Relacións Laborais