Expediente: IN407A 2023/022-1.
Solicitante: UFD Distribución Electricidad, S.A.
Denominación: repotenciación CT Fontefría núm. 15AJ83.
Situación: concello de Lousame.
Feitos:
1. O día 25.1.2023, a empresa promotora solicita ante esta xefatura territorial a autorización administrativa previa e autorización administrativa de construción da dita instalación de distribución eléctrica, coa finalidade de mellorar a calidade da subministración eléctrica así como crear a infraestrutura eléctrica necesaria para atender futuras demandas de subministracións eléctricas na parroquia Toxos Outos (San Xusto), concello de Lousame.
2. Achegan o proxecto, que inclúe memoria, planos e orzamento, ao abeiro do artigo 123 do Real decreto 1955/2000, e que abrangue os seguintes documentos:
– Proxecto de execución nomeado repotenciación CT Fontefría núm. 15AJ83, asinado o 19.10.2022 por Tito Arias Santos, enxeñeiro técnico industrial eléctrico, núm. colexiado LE-1010.
– O proxecto non se someteu ao trámite de información pública, segundo o artigo 50 da Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro).
3. Consonte o artigo 127 do Real decreto 1955/2000, do 1 de decembro, trasladóuselles unha separata do proxecto ás entidades afectadas, na parte en que a instalación poida afectar a bens e dereitos ao seu cargo. A separata contén as características da instalación e a documentación cartográfica correspondente. Así, solicitouse o informe preceptivo ao Concello de Lousame e ao Servizo de Montes. A empresa promotora manifestou a súa conformidade cos condicionados establecidos polas ditas entidades.
4. Con data 9.6.2023 emitiuse o informe técnico.
Consideracións legais e técnicas:
Primeira. O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia; o Decreto 59/2023, do 14 de xuño, polo que se establece a estrutura orgánica da Xunta de Galicia; e o Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación, modificado polo Decreto 49/2023, do 19 de maio (DOG núm. 98 do 25 de maio).
Segunda. A lexislación a aplicar neste expediente é a que de seguido se relaciona:
– A Lei 24/2013, do 26 de decembro, do sector eléctrico.
– O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.
– O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.
– O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.
– O Real decreto 842/2002, do 2 de agosto, polo que se aproba o Regulamento electrotécnico para baixa tensión.
– A Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).
Terceira. As características técnicas da instalación son as seguintes:
– Substitución de condutor existente tipo LA-30 en tramo LMTA a 20 kV, de 23 m, por condutor tipo LA-56 Al, con orixe no apoio núm. 9SIRT63N//D16-35-6 existente da LMT TA2-803 Insuas-Presa-Urdilde Ponte 3, procedente da subestación Tambre II e remate no apoio núm. 9SJ5S8VF//D16-35-7 CT existente tipo HV-1000-11 para substituír por tipo FL-C-2000-12.
– Repotenciación do CTI Fontefría (15AJ83, expediente 50.213) de intemperie de 50 kVA con relación de transformación de 20.000/400-230 V, instalado en apoio núm. 9SJ5S8VF//D16-35-7 CT existente para substituír. Novo trafo de 100 kVA e retirada do existente.
Cuarta. No expediente consta un informe favorable dos servizos técnicos desta xefatura territorial.
De acordo con todo o sinalado,
RESOLVO:
1. Conceder a autorización administrativa previa e a autorización administrativa de construción á dita instalación de distribución eléctrica.
2. A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.
3. Para a posta en funcionamento da instalación autorizada, deberá achegar ante esta xefatura territorial unha solicitude coa cal xuntará a seguinte documentación:
– As declaracións de conformidade relativas ao material ou equipamento e as certificacións ou homologacións, se procede.
– Un certificado do/da director/a da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas oportunas na montaxe da instalación e posta a punto.
4. Esta aprobación outórgase sen prexuízo doutras que sexan de aplicación segundo a lexislación vixente, en especial no relativo á ordenación do territorio e ao ambiente.
Contra esta resolución, que non é definitiva en vía administrativa, poderase interpor recurso de alzada perante o conselleiro de Economía, Industria e Innovación no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren axeitado.
Mediante este documento notifícaselles aos interesados esta resolución, segundo o exixido no artigo 40.1 da dita Lei 39/2015.
A Coruña, 22 de xuño de 2023
Isidoro Martínez Arca
Xefe territorial da Coruña