Visto o expediente para o outorgamento das autorizacións administrativas previa e de construción das instalacións eléctricas que a seguir se describen, tal e como se recollen no proxecto asinado en marzo de 2022 pola enxeñeira técnica industrial Eva Pérez Boullón, colexiada núm. 2790 do COETI Santiago, quen acredita a súa habilitación e competencia mediante declaración responsable asinada na data sinalada.

Solicitante: Sociedade Galega do Medioambiente, S.A.

Domicilio: Morzos, 10, Cerceda, 15187 (A Coruña).

Denominación: LMTS 20 kV e centro de seccionamento de compañía no polígono de Pazos, Verín (Ourense).

Situación: polígono de Pazos, concello de Verín.

Orzamento: 50.474,69 €.

Características técnicas:

• LMT soterrada, a 20 kV, de 30 m de lonxitude, en condutor RHZ1-2OL 12/20 kV 3×(1×240) mm2 Al, con orixe nos empalmes que se realizarán na LMT existente VII802 no treito entre a subestación de Verín e o CT 32KF9.

• CS proxectado, en edificio prefabricado, con 3 celas de liña (2 telecontroladas) e unha cela de protección con trafo de tensión para servizos auxiliares.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Resolución da Consellería de Economía e Industria, do 19 de febreiro de 2014, pola que se aproba o procedemento de autorización administrativa de construción (DOG núm. 54, do 19 de marzo), así como na Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro), esta xefatura territorial

RESOLVE:

Conceder as autorizacións administrativas previa e de construción ás devanditas instalacións, cuxas características se axustarán en todas as súas partes ao proxecto e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten de aplicación e, en especial, as relativas á ordenación do territorio e ao ambiente.

O prazo de posta en marcha das instalacións que se autorizan será seis meses, contado a partir da data da última autorización administrativa necesaria para a súa execución.

Contra esta resolución, que non é definitiva na vía administrativa, cabe interpor recurso de alzada ante a conselleira de Economía, Industria e Innovación no prazo dun mes, contado a partir do día seguinte ao da notificación ou publicación desta resolución, conforme o establecido no artigo 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Ourense, 21 de xuño de 2023

Alicia María López Míguez
Xefa territorial de Ourense