Na sesión celebrada polo xurado provincial o día 14.6.2023, figura o seguinte acordo:

MVMC Guldriz (expediente 92/80), pertencente aos veciños da parroquia de Guldriz, no concello de Friol.

O 8.10.2021 tivo entrada unha copia da Sentenza firme do 29.3.2021, recaída no xuízo verbal 0001101/2018, do Xulgado de Primeira Instancia número 1 de Lugo.

A sentenza estima a demanda e declara que a parcela 73 do polígono 294 do catastro de rústica de Friol é propiedade da actora, Mª del Carmen Sánchez Castro, sen que teña a condición de monte veciñal en man común do lugar de Guldriz [...].

De acordo coa sentenza, o 27.3.2023, o Servizo de Montes emitiu un informe (2021_37) en que se especifican as modificacións resultantes no monte de Guldriz, que pasa a ter unha superficie 202,18 ha. Achégase esbozo da situación actual do monte veciñal afectado pola sentenza.

Examinada a sentenza, o xurado, por unanimidade, acorda dar cumprimento ao establecido nela e proceder ás correccións oportunas, coa incorporación do novo esbozo ao expediente.

Ao descoñecerse o nome e enderezo dos posibles titulares de dereitos e intereses sobre o referido monte, por medio deste anuncio, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, comunícase o devandito acordo.

Este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.

Lugo, 30 de xuño de 2023

Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo