Na sesión celebrada polo xurado provincial o día 14.6.2023, figura o seguinte acordo:
MVMC Serra e Picato, pertencente aos veciños da parroquia de Pol (agás Eirón), no concello de Pol.
O 27.6.2019 foi aprobado o acordo de reestruturación parcelaria da zona de Santo Estevo de Pol, declarado firme o 29.6.2022. En relación con isto, o Servizo de Infraestruturas Agrarias de Lugo comunicou a necesidade de integrar a superficie concentrada do MVMC con plenos efectos xurídicos.
O 21.3.2023, o Distrito Forestal X elaborou unha memoria e cartografía (2022_265) en que se recollen as modificacións do monte veciñal por mor do proceso de reorganización da propiedade. A superficie resultante de Serra e Picato pasa a ser de 119,49 hectáreas.
Con base no disposto no artigo 70.6 da Lei 7/2012, do 28 de xuño, de montes de Galicia (Lei 7/2012), e no establecido nos artigos 25 e 39 da Lei 4/2015, do 17 de xuño, de mellora da estrutura territorial agraria de Galicia, modifícase o perímetro do monte e dáse por feito o seu deslindamento de acordo co establecido no artigo 54 da Lei 7/2012, no que respecta ao perímetro do monte veciñal afectado por esta reestruturación parcelaria.
En vista do anterior, o xurado, por unanimidade, acorda aprobar a modificación do monte e dar por feito o seu deslindamento no perímetro afectado pola reestruturación parcelaria antedita, de conformidade co anterior e o informe elaborado polo Distrito Forestal X.
O plano que figura no anexo, ao final deste anuncio, corresponde ao monte veciñal tras a modificación aprobada.
Contra este acordo, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 30 de xuño de 2023
Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo