O artigo 4 do Decreto 1/1991, do 11 de xaneiro, polo que se regula a concesión da Medalla de Galicia, establece as medallas que, anualmente, se poderán outorgar nas súas distintas categorías.
Tendo en conta o previsto no artigo antes indicado, o Goberno galego ten a vontade de outorgarlles a súa máis alta distinción ás persoas que se indican a seguir.
Polo tanto, por proposta do vicepresidente primeiro e conselleiro de Presidencia, Xustiza e Deportes e logo do acordo do Consello da Xunta de Galicia na súa reunión do día trece de xullo de dous mil vinte e tres,
DISPOÑO:
Conceder a Medalla de Ouro de Galicia a:
– Juan Ignacio Pardo Suárez.
– Carlos Núñez Muñoz.
– María Luz Casal Paz.
Santiago de Compostela, trece de xullo de dous mil vinte e tres
Alfonso Rueda Valenzuela
Presidente
Diego Calvo Pouso
Vicepresidente primeiro e conselleiro de Presidencia,
Xustiza e Deportes