A Lei orgánica 2/2023, do 22 de marzo, do sistema universitario, establece na súa disposición adicional décimo primeira que os profesores e profesoras titulares de escola universitaria que, á entrada en vigor desta lei orgánica, posúan o título de doutor o doutora ou o obteñan con posterioridade, e estean acreditados especificamente no marco do previsto polo artigo 69, accederán directamente ao corpo de profesores/as titulares de universidade, nas súas propias prazas.

Unha vez solicitada por Ángel José Fernández Álvarez, con DNI núm. ***2557**, funcionario do corpo de profesores titulares de escola universitaria da área de coñecemento de Expresión Gráfica Arquitectónica, a súa integración no corpo de profesores titulares de universidade e acreditados os requisitos exixidos, esta reitoría, no uso das facultades que lle confiren a Lei orgánica 2/2023, do sistema universitario, e os Estatutos desta universidade, resolve integralo no corpo de profesores titulares de universidade, área de coñecemento de Expresión Gráfica Arquitectónica, con efectos económicos e administrativos do 29 de xuño de 2023.

Contra esta resolución, que esgota a vía administrativa, poderá interpoñer un recurso contencioso-administrativo no prazo de dous meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderá interpoñer un recurso de reposición ante esta reitoría, no prazo dun mes, de acordo co establecido no artigo 123 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).

A Coruña, 29 de xuño de 2023

Julio Ernesto Abalde Alonso
Reitor da Universidade da Coruña