Antecedentes:
Primeiro. O 20.12.2020 tivo entrada o expediente con código PO-00021538X(2.1) e titulado Proxecto de ordenación forestal Santa Mariña.
Segundo. O 14.3.2023 a Dirección Xeral de Calidade Ambiental, Sostibilidade e Cambio Climático resolve formular a declaración de impacto ambiental do proxecto de ordenación forestal do MVMC de Santa Mariña (Guitiriz, Lugo), promovido pola CMVMC de Santa Mariña, considerando que o proxecto é ambientalmente viable sempre que se cumpra, ademais do recollido no estudo de impacto ambiental e a restante documentación avaliada, o condicionado que figura ao longo deste documento, tendo en conta que no caso de que exista contradición entre eles prevalecerá o disposto nesta DIA.
Terceiro. O 22.5.2023 a Dirección Xeral de Planificación e Ordenación Forestal asina a resolución do expediente con código PO-00021538X(2.1) e titulado Proxecto de ordenación forestal Santa Mariña, concello Guitiriz, provincia Lugo, segundo o artigo 81.1 da Lei 7/2012, do 28 de xuño, de montes de Galicia.
Cuarto. De conformidade co artigo 42 da Lei 21/2013, o órgano substantivo, no prazo máis breve posible e, en todo caso, antes dos quince días hábiles desde que adopte a decisión de autorizar ou denegar o proxecto, remitirá ao diario oficial correspondente, para a súa publicación, un extracto do contido da dita decisión.
Así mesmo, publicará na súa sede electrónica unha referencia ao diario oficial correspondente en que se publicou a declaración de impacto ambiental e o extracto sobre a decisión de autorizar ou denegar o proxecto.
Polo anteriormente exposto,
RESOLVO:
Facer pública a resolución de aprobación citada no antecedente terceiro de conformidade co artigo 42 da Lei 21/2013, do 9 de decembro, de avaliación ambiental.
Expediente: PO-00021538X(2.1) titulado Proxecto de ordenación forestal Santa Mariña, concello Guitiriz, provincia Lugo.
A dita resolución poderase consultar na ligazón:
https://mediorural.xunta.gal/es/temas/forestal/ordenacion/instrumentos-de-ordenacion-ou-de-xestion-forestal
Santiago de Compostela, 14 de xuño de 2023
José Luis Chan Rodríguez
Director xeral de Planificación e Ordenación Forestal