De conformidade co disposto no artigo 82.2 da Lei 2/2016, do solo de Galicia, e do artigo 199.2 do Decreto da Xunta de Galicia 143/2016, anúnciase que o Pleno do Concello en sesión ordinaria, do día 13 de decembro de 2019, adoptou entre outros, o seguinte acordo, cuxa parte dispositiva di:

«O Pleno do Concello en sesión ordinaria, do día 3 de maio de 2023, adoptou entre outros, o seguinte acordo, cuxa parte dispositiva di:

6.1. Aprobación definitiva do estudo de detalle para agregación de parcelas sitas na rúa Liberdade, 28 e praza Manuel Sueiro, 3. Expediente de planeamento urbanístico 2022016340.

O Pleno do Concello, por unanimidade dos concelleiros asistentes, adoptou o seguinte

ACORDO:

1. Aprobar definitivamente o estudo de detalle aprobado inicialmente polo Acordo da Xunta de Goberno Local, do 5 de agosto de 2022, presentado polo Instituto Galego de Vivenda e Solo (IGVS), con NIF Q-6550004-C, para a agregación das parcelas sitas na rúa Liberdade, nº 28 (con referencia catastral 3877602NG9837N0004WY) e praza Manuel Sueiro, nº 3 (con referencia catastral 3877603NG9837N0010FO) de Ourense, redactado polo arquitecto Baltasar Otero Gómez, de conformidade co informe técnico do 3 de maio de 2022, co ditame favorable da Comisión técnica municipal de protección de bens culturais do 8 de xuño de 2022, o informe xurídico do 7 de xullo de 2022, dilixenciado de conformidade polo asesor xurídico o 27 de xullo de 2022, e co informe favorable da directora xeral de Patrimonio Cultural do 15 de novembro de 2022, tendo en conta que tras a exposición pública non consta a presentación de alegacións.

2. Proceder á notificación deste acordo aos interesados para o seu coñecemento e para os efectos oportunos.

3. Asumir como parte integrante deste acordo o informe da directora de VPP e PERI de cascos históricos (polo Decreto núm. 2023001024, do 2 de febreiro de 2023) do 9 de marzo de 2023 para os efectos de motivación».

Contra esta resolución, que é definitiva na vía administrativa, poderase interpoñer recurso contencioso-administrativo ante o Tribunal Superior de Xustiza de Galicia, no prazo de dous meses contado desde o día seguinte ao da publicación deste anuncio. Non obstante, poderase interpoñer calquera outro recurso que xulgue oportuno.

Todo isto conforme o disposto nos artigos 52 da Lei reguladora das bases de réxime local; 194 e concordantes do Regulamento de organización, funcionamento e réxime xurídico das entidades locais; 45 da Lei 39/2015 do procedemento administrativo común; 10 e 46 da Lei da xurisdición contencioso-administrativa, e demais de aplicación.

Estará dispoñible o contido íntegro do instrumento de planeamento nas webs www.ourense.gal e www.planeamentourbanistico.xunta.es/siotuga

Ourense, 26 de maio de 2023

Gonzalo Pérez Jácome
Alcalde presidente