En exercicio da facultade conferida polo artigo 22.4 da Lei 3/2007, do 9 de abril, de prevención e defensa contra os incendios forestais de Galicia, faise público que, mediante Decreto 270/2023, do 31 de maio de 2023, se resolveu o que segue:
Primeiro. Incoar expediente para a execución subsidiaria da orde de execución imposta polo Decreto 529/2022, do 7 de outubro, contra os titulares catastrais das parcelas 67 e 69 do polígono 20, sitas no lugar da Riña, na parroquia de Santa María de Oia.
Segundo. En aplicación do previsto no artigo 22.4 da Lei 3/2007, de prevención e defensa contra os incendios forestais de Galicia, considérase que a limpeza xerará os custos que se detallan:
Nº de expediente |
Ref. catastral |
Data notificación/publicación |
Parroquia |
Lugar/polígono/parcela |
ha afectadas por execución subsidiaria |
Liquidación provisional dos traballos de xestión da biomasa |
Data de constatación do incumprimento |
Persoa responsable |
1479/2022-URB/56/2022 |
36036A020000670000QU |
DOG: 23.1.2023 BOE: 31.1.2023 |
Sta. Mª de Oia |
A Riña/20/67 |
0,05178755 |
87,46 € |
15.5.2023 |
P. M. A. |
36036A020000690000QW |
A Riña/20/69 |
0,04334887 |
73,21 € |
15.5.2023 |
A. V. V. |
Terceiro. Serve este edicto, como liquidación provisional dos custos que deberán aboar os obrigados; o decreto constitúe liquidación en voluntaria, cos prazos previstos na Lei xeral tributaria que logo se determinarán, sen perxuício da liquidación definitiva que remitiremos unha vez rematados os traballos de corta e roza.
Cuarto. Os titulares identificados no expediente, e sinalados aquí coas súas iniciais, están obrigados ao cumprimento da orde de execución e, por extensión, ao pagamento dos gastos que a execución subsidiaria supoña para esta administración.
Quinto. Ordenar a publicación de anuncio desta resolución no BOE e no DOG, polo que respecta aos titulares obrigados (P.M.A. da parcela 67 e A.V.V. da parcela 69, que substituirá as notificacións persoais, por seren descoñecidos os enderezos dos titulares).
O que se publica para coñecemento dos obrigados (en ausencia de enderezo coñecido), en cumprimento do establecido no artigo 40 da Lei 39/2015, do 1 de outubro, do procedemento administrativo común das administracións públicas, aos cales se lles fai saber que:
O citado acordo pon fin á vía administrativa, polo que contra este poden interpoñer recurso de reposición no prazo dun mes, ante o mesmo órgano que ditou o acto, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, se non queren exercer o seu dereito a presentar o recurso potestativo de reposición mencionado, poden interpoñer directamente recurso contencioso-administrativo, no prazo de dous meses, ante o Xulgado do Contencioso-Administrativo, órgano xurisdicional competente, conforme o establecido na Lei 29/1998, do 13 de xullo, reguladora da xurisdición contencioso-administrativa.
Polo que respecta á liquidación provisional dos custos de xestión da masa forestal, en voluntaria, que ascende ás cantidades que se identifican en cada caso, requíreselles o pagamento mediante ingreso en conta bancaria municipal aberta a nome do concello de Oia en Abanca ES86/2080/5080/4130/4000/1001, nos seguintes prazos:
Se a notificación se recibe nos días 1 a 15 do mes, o prazo remata o día 20 do mes seguinte.
Se a notificación se recibe nos días 16 a último do mes, o prazo remata o día 5 do segundo mes natural seguinte.
De ser día inhábil o último día do prazo, este estenderase ata o seguinte día hábil.
En caso de impagamento nos prazos indicados, abrirase o período executivo de pagamento, coa aplicación das recargas do período executivo que regula o artigo 65 da Lei 58/2003, xeral tributaria.
Oia, 31 de maio de 2023
Cristina Correa Pombal
Alcaldesa en funcións