Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar, mediante este anuncio notifícase a todas as persoas interesadas a declaración de utilidade pública do proxecto de instalación de interruptor TC no apoio BJPVVWH3//41 da LAMT PRS802 Monforte 2 Pantón (Lugo), segundo se sinala no cadro anexo.

Así mesmo, infórmase de que o expediente correspondente á instalación de referencia está á súa disposición durante un prazo de trinta (30) días nas dependencias da Xefatura Territorial da Vicepresidencia Primeira e Consellería de Economía, Industria e Innovación de Lugo, na rolda da Muralla, núm. 70, 2º, baixo (Servizo de Enerxía e Minas).

O proxecto tamén se poderá consultar no portal web da Vicepresidencia Primeira e Consellería de Economía, Industria e Innovación na seguinte ligazón:

https://economia.xunta.gal/transparencia/instalacions-electricas/panton4

Lugo, 25 de maio de 2023

Gustavo José Casasola de Cabo
Xefe territorial de Lugo

ANEXO

Relación de bens e dereitos afectados polo proxecto de instalación de interruptor TC no apoio BJPVVWH3//41 da LAMT PRS802 Monforte 2 Pantón (Lugo).

Concello: Pantón.

Expediente: IN407A 2023-48-2.

Declaración de utilidade pública.

Predio	Políg.	Parc.	Lugar	Cultivo	Propietario	Apoio nº	Sup (m2)
1	65	136	Os campos	Monte baixo	Descoñecido	BJPVVWH3//41	2