Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro), e no título VII do Real decreto 1955/2000, do 1 de decembro (BOE núm. 310, do 27 de decembro), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción, e a declaración de utilidade pública, en concreto, da seguinte instalación eléctrica.

Denominación: peche de anel LMT 20 kV Muras, 2 (SE Sete Pontes) con LMT 20 kV Tronceda (SE Sete Pontes) CT Bodán (CD 6620)-CT Palleiro (CD 10422).

Solicitante: Barras Eléctricas Galaico-Asturianas, S.A.

Domicilio social: rúa Aller Ulloa, Ramón María, 9, 27003 Lugo.

Características técnicas principais:

– Liña de media tensión soterrada a 20 kV, cunha lonxitude de 252 m en condutor RHZ1-OL 12/20 kV 1×240 K Al + H16, con orixe na conversión aéreo-soterrado do apoio existente núm. 6.620 da LAT Muras, 2 e final na conversión aéreo-soterrada do apoio núm. 0 proxectado, con entrada e saída no centro de transformación proxectado Bodán.

– Liña de media tensión aérea a 20 kV, cunha lonxitude de 1.868 m en condutor 94-AL1/22-ST1A (LA 110), con orixe na conversión aéreo-soterrada do apoio núm. 0 proxectado e final no apoio núm. 13 proxectado en substitución do apoio núm. 216139 existente da LAT Tronceda.

– Centro de transformación (CT) prefabricado Bodán, cunha potencia instalada de 50 kV, relación de transformación de 20.000/400-230 V e configuración 2L+1P. Desmontaxe do CT Bodán existente instalado no apoio 6620 da LAT Muras, 2.

A declaración de utilidade pública, segundo o sinalado no artigo 56 da citada Lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa (BOE núm. 351, do 17 de decembro).

A relación concreta e individualizada de bens e dereitos afectados que se consideran de necesaria ocupación figuran no anexo que se insire xunto con esta resolución.

Aquelas persoas ou entidades que se consideren afectadas poderán presentar as súas alegacións nesta xefatura territorial (Edificio Administrativo da Xunta de Galicia en Lugo, rolda da Muralla, 70) referidas ás posibles limitacións á constitución da servidume de paso de liñas eléctricas (artigo 161 do Real decreto 1955/2000) e aqueloutras que xulguen oportunas no prazo de trinta días hábiles contado desde o día seguinte ao da última publicación ou ao da notificación individual.

Durante este prazo poderase examinar o proxecto das instalacións nesta xefatura territorial, de luns a venres, entre as nove da mañá e as dúas da tarde, e no seguinte enlace web da Consellería:

https://economia.xunta.gal/transparencia/instalacions-electricas/vilalba

Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se atopen ao relacionar os bens e dereitos afectados segundo dispón o artigo 56.2 do Regulamento da Lei de expropiación forzosa (BOE núm. 160, do 27 de xuño).

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), cando os titulares dos predios propostos sexan descoñecidos, non se saiba o lugar de notificación, ou ben, intentada a notificación, non se puidese realizar e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.

Lugo, 12 de maio de 2023

Gustavo José Casasola de Cabo
Xefe territorial de Lugo

ANEXO I

Relación de bens e dereitos afectados

Proxecto de peche do anel LMT 20 kV Muras 2 (SE Sete Pontes) con LMT 20 kV Tronceda (SE Sete Pontes) CT Bodán (CD 6620)-CT Palleiro (CD 10422).

Concello: Vilalba.

Expediente: IN407A 2023-25-2.

Nº predio	Políg.	Parcela	Ref. catastral	Lugar	Propietarios	Cultivo	Nº apoio	Sup. ocup. permanente m²	Sup. voo m²	Sup. total afectada por voo m²	Sup. ocup. permanente m²	Sup. ocup. permanente m²	Sup. ocup. temporal m²
3	25	1371	27065A02501371	Vilar do Cainzo	Ramón Pérez Orosa	Monte alto			85	85			4
17	25	1431	27065A02501431	Vilar da Raña	Ángel Pérez Carballeira	Monte alto Pradaría			89 35	124
24	25	1426	27065A02501426	Vilar da Raña	María Remedios Pérez López	Monte alto Pradaría	3	2	162 156	318			33
43	25	902	27065A02500902	Porto da Loba	José Castro Cinza	Monte alto Pradaría			257 1.210	1467
44	25	890	27065A02500890	Porto da Loba	José Primitivo Pérez Carballeira	Monte alto Pradaría			67 5	72
47	25	885	27065A02500885	Porto da Loba	María Segunda Pérez López	Pradaría	8	2	364	364			30
55	25	1495	27065A02501495	Grazan	Herdeiro de Dositeo Yáñez Cillero, representante Ángel Yáñez Villares	Monte alto			410	410			102
58	25	874	27065A02500874	Grazan	Irene Villares Paz	Monte alto			8	8
62	25	290	27065A02500290	Rodas	María del Pilar Díaz Castro	Monte alto			173	173			9
65	25	288	27065A02500288	Rodas	Herdeiros de Antonio Fernando Yáñez Fraga	Monte alto Pradaría			141 388	529			144
68	25	1469	27065A02501469	Palleiro	Herdeiros de Dositeo Yáñez Cillero, representante Ángel Yáñez Villares	Monte alto Pradaría	12 11	10	152 1.769	1921			225
72	25	171	27065A02500171	Reguengo	Irene Villares Paz	Monte alto Pradaría	13	5	34 601	635			34
73	25	172	27065A02500172	Reguengo	Eugenia Rego Villares	Pradaría			2	2
74	24	244	27065A02400244	Boaro	José Pico Gonzalez	Pradaría					4	17