Visto o expediente para outorgamento da autorización administrativa previa e de construción a instalación eléctrica que a seguir se describe:
Solicitante: Madrid Airport Hotels, S.L.
Domicilio social: rúa Alfonso Gómez, 17, 2 andar, 28037 Madrid.
Denominación: centro de seccionamento telemandado en edificio prefabricado en Hotel Balneario de Guitiriz para cesión a Viesgo Distribución e o seu anexo.
Situación: concello de Guitiriz.
Características técnicas:
– Centro de seccionamento Balneario de Guitiriz en edificio existente, no cal se instalan dúas celas de liña e unha de interruptor automático telemandadas. O centro de seccionamento estará alimentado por liñas obxecto doutro proxecto (100/2023-AT).
Finalidade da instalación: nova subministración
Orzamento: 35.416,36 euros
Documentación que se xunta:
– Separata para o Concello de Guitiriz.
– Anexo ao proxecto.
Esta xefatura territorial, de acordo coas competencias que resultan do Decreto 116/2022, do 23 de xuño, polo que se establece a estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,
RESOLVE:
En relación coa instalación de alta tensión, conceder a autorización administrativa previa e de construción ás ditas instalacións sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, supeditado ao cumprimento das seguintes condicións:
Primeira. As instalacións deberán axustarse na súa execución ao disposto no citado proxecto de execución e a dirección de obra debe realizala técnico competente.
Segunda. O peticionario asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.
Terceira. En todo momento deberán cumprirse as normativas e directrices vixentes que sexan de aplicación, en particular, canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas da alta tensión e as súas instrucións técnicas complementarias ITC-LAT 01 a 09, e o Real decreto 337/2014, de 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra esta resolución poderase interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que considere pertinente ao seu dereito.
Lugo, 28 de abril de 2023
Gustavo José Casasola de Cabo
Xefe territorial de Lugo