A Consellería de Sanidade e o Servizo Galego de Saúde recibiron da Sala do Contencioso-Administrativo do Tribunal Superior de Xustiza de Galicia un decreto polo que se admite a trámite o recurso contencioso-administrativo presentado polo Consello Galego de Colexios Médicos de Galicia fronte á resolución presunta (por silencio administrativo) da Consellería de Sanidade/Xerencia do Servizo Galego de Saúde, desestimatoria da reclamación presentada polo Consello de Colexios Médicos de Galicia o 29 de decembro de 2022, en que se solicitaba a retirada do programa XIDE (Xestión integral da demanda en equipo) (P.O. 7092/2023).
En consecuencia, esta secretaría xeral técnica acordou, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao referido tribunal, o que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos, no prazo de 9 (nove) días contado desde o seguinte ao da publicación da presente resolución no Diario Oficial de Galicia.
Santiago de Compostela, 23 de maio de 2023
Alberto Fuentes Losada
Secretario xeral técnico da Consellería de Sanidade