A Xunta de Goberno local, mediante o Acordo adoptado na sesión do 2 de maio de 2023, aprobou definitivamente o proxecto de expropiación forzosa, polo procedemento de taxación conxunta, para a execución do PEID da estrada a Quintas, no concello de Cervo, coa finalidade de levar a cabo a urbanización da estrada a Quintas-Cervo. O proxecto estará á disposición dos interesados na sede electrónica deste Concello [http://cervo.sedelectronica.es]. O texto do acordo é do seguinte teor:
Primeiro. Estimar parcialmente a alegación presentada por José Francisco Valle Rey, unicamente no referente á extensión de 1.186 m2 recoñecida pola escritura de compravenda do predio 7 do expediente expropiatorio para a obtención dos bens e dereitos necesarios para levar a cabo a execución do Plan especial de infraestruturas e dotacións (PEID) para o acondicionamento da estrada a Quintas, no concello de Cervo (Lugo), aprobado inicialmente pola Xunta de Goberno local do Concello de Cervo o 13 de xaneiro de 2023. Desestimar o resto da alegación, con base nos argumentos expostos no informe do técnico municipal do 27 de abril de 2023, que consta transcrito no corpo deste acordo.
Segundo. Aprobar definitivamente o proxecto de expropiación dos bens e dereitos necesarios para a execución do PEID da estrada a Quintas, no concello de Cervo, e publicar o dito acordo no Diario Oficial de Galicia.
Terceiro. Notificar o presente acordo de aprobación definitiva do proxecto de expropiación por taxación conxunta aos interesados propietarios e titulares de bens e dereitos que figuran no expediente, conferíndolles un prazo de vinte días contado desde a notificación deste acordo, durante o cal poderán manifestar por escrito, ante o órgano expropiante, a súa desconformidade coa valoración establecida no expediente aprobado.
Se os interesados non formularen oposición á valoración no citado prazo de vinte días, entenderase aceptada a que se fixou no acto aprobatorio do expediente. O citado prezo que se fixou no proxecto de expropiación aprobado definitivamente foi o seguinte:
Nº predio |
Referencia catastral |
Afección |
Sup. afectada |
Importe do prezo xusto |
Titular/Inquilino |
1 |
8768001PJ2386 |
Parcial |
440,44 |
1.904,87 € |
Rodríguez Enríquez, José Luis |
2 |
8768003PJ2386N |
Parcial |
770,05 |
3.714,80 € |
Varqueiro Castellón, Ramón |
3 |
8768004PJ2386N |
Parcial |
211,41 |
946,84 € |
Enríquez Durán, Guillermo |
4 |
8768005PJ2386N |
Parcial |
187,97 |
791,45 € |
Víctor Vilar Fernández |
5 |
8768006PJ2386N |
Parcial |
147,91 |
792,88 € |
Herdeiros de Fernández Chao, Concepción |
6 |
8768007PJ2386N |
Parcial |
104,13 |
532,94 € |
Varqueiro Castellón, Ramón |
7 |
8863005PJ2386S |
Parcial |
460,18 |
5.922,57 € |
Valle Rey, José Francisco (50 %) / González Vispo, María Celia (50 %) |
8 |
8863006PJ2386S |
Parcial |
119,94 |
1.492,56 € |
López Otero, Maria Paulina |
9 |
8967002PJ2386N |
Parcial |
24,29 |
102,27 € |
Concello de Cervo |
10 |
8967010PJ2386N |
Parcial |
32,31 |
136,04 € |
Concello de Cervo |
11 |
8967011PJ2386N |
Parcial |
36,02 |
151,66 € |
Concello de Cervo |
12 |
8967012PJ2386N |
Parcial |
26,9 |
113,26 € |
Concello de Cervo |
Se existise desconformidade coa valoración establecida no dito expediente, darase traslado do expediente e da folla de valoración impugnada ao Xurado de Expropiación de Galicia, para os efectos de fixar o prezo xusto, o que, en todo caso, se fará de acordo cos criterios de valoración establecidos na lexislación vixente.
Cuarto. O acordo de aprobación definitiva do expediente de expropiación por taxación conxunta implicará a declaración de urxencia da ocupación dos bens e dereitos afectados, de conformidade co artigo 118.10 da Lei do solo de Galicia, e a ocupación comportará a necesidade de redactar unha acta nos termos contidos na lexislación estatal.
Quinto. O pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación do prezo xusto.
Sexto. Con posterioridade á aprobación definitiva do proxecto de expropiación, procederase á inscrición rexistral das parcelas nos termos contidos na lexislación estatal, así como a instar do Catastro a actualización da súa configuración e titularidade.
Contra este acordo, que pon fin á vía administrativa, pódese interpor alternativamente recurso de reposición potestativo ante o mesmo órgano que o acorda, no prazo dun mes contado desde o día seguinte ao da recepción da presente notificación, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben interpor directamente recurso contencioso-administrativo, ante o xulgado do contencioso-administrativo con sede na capital da provincia, no prazo de dous meses contado desde o día seguinte ao da publicación do presente anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se opta por interpor o recurso de reposición potestativo, non se poderá interpor recurso contencioso-administrativo ata que aquel sexa resolto expresamente ou se producise a súa desestimación por silencio. Todo iso sen prexuízo de que se poida exercer calquera outro recurso que se considere pertinente.
Cervo, 3 de maio de 2023
Alfonso Villares Bermúdez
Alcalde