Expediente-e: IN407A 2021/261-1.

Promotora: UFD Distribución Electricidad, S.A.

Instalación: regulamentación da LMTA MEA803 (Somozas)-AP 78-33 ao 78-40, no lugar de Regueirolongo.

Concello: Cerdido.

Feitos:

1. O 17 de decembro de 2021 a empresa promotora solicitou a autorización administrativa previa, a autorización administrativa de construción e a declaración de utilidade pública da dita instalación de distribución eléctrica, co fin de corrixir os defectos dun treito da liña de distribución de media tensión LMT MEA803 no lugar de Regueirolongo, concello de Cerdido, por uns apoios en mal estado, distancias de seguridade antirregulamentarios e armados estragados. Proxéctase a substitución dos apoios, do condutor da liña e o seu retensado.

Achegan o proxecto que inclúe memoria, planos e orzamento, ao abeiro do artigo 123 do Real decreto 1955/2000, que abrangue os seguintes documentos:

• Proxecto de execución nomeado: regulamentación LMT MEA803 (Somozas)-AP 78-33 ao 78-40, asinado o 29 de xullo de 2021 por Rubén Fervenza Nicolás, graduado en enxeñaría eléctrica, número colexial 4684 de Vigo e con visado número 22101200.

2. O proxecto someteuse ao trámite de información pública mediante resolución publicada nos seguintes medios:

– Acordo de información pública: 1 de decembro de 2022.

– DOG: 27 de decembro de 2022.

– BOP: 12 de decembro de 2022.

– Xornal La Voz de Galicia: 14 de decembro de 2022.

– Taboleiro de anuncios do concello: segundo certificado municipal do secretario do Concello de Cerdido do 28 de febreiro de 2023.

– Portal de transparencia e Goberno aberto da Vicepresidencia Primeira e Consellería de Economía, Industria e Innovación.

3. Durante o período en que se someteu o proxecto ao trámite de información pública non se presentou ningunha alegación, reclamación ou suxestión relacionada coa documentación obxecto de publicación.

4. Solicitouse o preceptivo informe ás distintas administracións, organismos ou, de ser o caso, empresas de servizo público ou de servizos de interese xeral afectadas, isto é, Augas de Galicia-Consellería de Infraestruturas e Mobilidade; Servizo Provincial da Axencia Galega de Infraestruturas (AXI)-Xefatura Territorial da Consellería de Infraestruturas e Mobilidade da Coruña e o Concello de Cerdido. A empresa promotora manifestou a súa conformidade co condicionado establecido polo organismo afectado, a saber, AXI. A día desta resolución, non consta no expediente resposta dos organismos afectados, é dicir, Augas e o concello, á solicitude do condicionado solicitado.

5. O 14 de marzo de 2023 emitiuse o informe técnico.

Consideracións legais e técnicas:

1. O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia, no Decreto 73/2022, do 25 de maio, polo que se fixa a estrutura orgánica das vicepresidencias e das consellerías da Xunta de Galicia e no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación.

2. Lexislación de aplicación:

1º. Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

2º. Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

3º. Lei 24/2013, do 26 de decembro, do sector eléctrico (BOE núm. 310, do 27 de decembro).

4º. Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

5º. Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

6º. Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

7º. Real decreto 842/2002, do 2 de agosto, polo que se aproba o Regulamento electrotécnico para baixa tensión (BOE núm. 224, do 18 de setembro).

8º. Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

9º. Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro).

10º. Lei do 16 de decembro de 1954, sobre expropiación forzosa (BOE núm. 351, do 17 de decembro).

11º. Decreto do 26 de abril de 1957, polo que se aproba o Regulamento da Lei de expropiación forzosa (BOE núm. 160, do 20 de xuño).

3. Características técnicas:

• LMTA a 20 kV, de 568 metros, condutor tipo LA-110 Al, coa orixe no apoio número B2VN3FX1//78-36 existente para resituar e substituír da LMT MEA803, procedente da subestación Mera e remate no apoio número B2JW8H9K//78-40 para cambiar. Rentensado do treito da LMTA que abrangue o apoio número 78-36 para resituar e o CT Regueirolongo (15CT68, expediente IN407A 2016-764-1) existente.

• LMTA a 20 kV, de 152 m, condutor tipo LA-110 Al, coa orixe no apoio número B31XQ80R//78-33 para substituír e remate no apoio número B2XIO3BW//78-34 para cambiar. Rentensado do treito da LMTA abranguido entre o apoio número 78-34 para substituír e o CT Regueirolongo (15CT68, expediente IN407A 2016-764-1) existente.

• Substitución dos apoios B31XQ80R//78-33, B2XIO3BW//78-34, B2SQB14N//78-37, B2QE8MJG//78-38, B2MP9OU6//78-39 e 2JW8H9K//78-40 e a recolocación do apoio B2VN3FX1//78-36 por 7 novos apoios tipo celosía de características C-1000/14 (2), C-3000/14, C-4500/16, C-2000/16 e C-1000/12 (2).

• Instalación dun novo conxunto de autoválvulas na fachada do CT Regueirolongo (15CT68, expediente IN407A 2016-764-1).

4. Na visita de campo realizada para examinar o lugar da instalación non se apreciou, nos predios sometidos a expropiación, ningunha das limitacións á constitución da servidume sinaladas no artigo 58.a) da Lei 24/2013, do 26 de decembro, do sector eléctrico.

5. No expediente consta un informe favorable dos servizos técnicos desta xefatura territorial.

Consonte con todo o sinalado,

RESOLVO:

A) Conceder a autorización administrativa previa, a autorización administrativa de construción e a declaración de utilidade pública, en concreto, da dita instalación de distribución eléctrica.

B) A instalación executarase no prazo dun ano, contado a partir da data de ocupación dos terreos.

A declaración de utilidade pública leva implícita a necesidade de ocupación dos bens e de adquisición dos dereitos afectados, e implicará a urxente ocupación, para os efectos do artigo 52 da Lei de expropiación forzosa.

C) Para a posta en funcionamento da instalación autorizada, deberá achegar ante esta xefatura territorial unha solicitude coa cal xuntará a seguinte documentación:

• As declaracións de conformidade relativas ao material ou equipamento e as certificacións ou homologacións, se procede.

▪ Un certificado do/da director/a da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas axeitadas para a montaxe da instalación e posta a punto.

▪ Planimetría as built da instalación eléctrica en formato shape.

D) Esta autorización outórgase sen prexuízo doutras que sexan de aplicación segundo a lexislación vixente, en especial as relativas á ordenación do territorio e ao ambiente.

Contra esta resolución, que non é definitiva en vía administrativa, poderá interporse recurso de alzada ante o vicepresidente primeiro e conselleiro de Economía, Industria e Innovación, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselles ás persoas interesadas esta resolución, segundo o exixido no artigo 40.1 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

A Coruña, 3 de abril de 2023

Isidoro Martínez Arca
Xefe territorial da Coruña