Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado (BOE) resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio convócanse todas as persoas interesadas ao acto de levantamento das actas previas á ocupación dos bens e dereitos afectados pola instalación eléctrica denominada LAT 132 kV San Martín-Carucedo DAR AP100, na Casa do Concello de Rubiá, segundo o calendario e o horario que se sinalan no cadro anexo.

Ao acto deberán comparecer as persoas propietarias ou titulares de dereitos sobre os bens afectados, por si mesmas ou representadas por unha persoa debidamente autorizada, e exhibir o seu DNI/NIF, así como os documentos acreditativos da titularidade.

Ourense, 27 de marzo de 2023

Alicia María López Míguez
Xefa territorial de Ourense

ANEXO

Relación de afectados descoñecidos,
de domicilio ignorado ou non notificados

Nº de expediente: IN407A 2022/91-3.

Entidade beneficiaria: UFD Distribución Electricidad, S.A.

Concello: Rubiá.

Denominación: LAT 132 kV San Martín-Carucedo DAR AP100.

Nº de predio	Lugar	Titular	Incidencia	Lugar da convocatoria	Data	Hora
1	Pinguela	Herdeiros de Aurora Fernández Núñez	Enderezo descoñecido	Casa do Concello de Rubiá	5.6.2023	11.30