Expediente-e: IN407A 2022/67-1.

Promotora: UFD Distribución Electricidad, S.A.

Instalación: regulamento da LMT CDR807-reforma do treito entre o CT Cordobelas (15CU37) e o CT Campo da Cruz (15CU38), nos lugares de Cordobelas e Santallamar.

Concello: Cedeira.

Feitos:

1. O 1 de marzo de 2022, a empresa promotora solicitou a autorización administrativa previa, a autorización administrativa de construción e a declaración de utilidade pública, en concreto, das instalacións do proxecto de execución denominado regulamentación da LMT CDR807-reforma do treito entre o CT Cordobelas (15CU37) e o CT. Campo da Cruz (15CU38), co fin de realizar obras de regulamentación na liña de distribución de media tensión LMT CDR807, procedente da subestación Cedeira. Proxéctase a retirada de apoios en mal estado e o retensado do condutor existente nos vans abranguidos no treito da dita LMT con código 156/00, e novo treito subterráneo de media tensión que substituirá un treito aéreo.

Achegan o proxecto, que inclúe memoria, planos e orzamento, ao abeiro do artigo 123 do Real decreto 1955/2000, que abrangue os seguintes documentos:

– Proxecto de execución denominado regulamentación LMT CDR807, reforma do tramo entre o CT Cordobelas (15CU37) e o CT Campo da Cruz (15CU38). Con data do 28 de febreiro de 2021, foi asinado por Rubén Fervenza Nicolás, graduado en Enxeñería Eléctrica con número colexial 4.684 de Vigo (COITIVigo).

– Anexo, asinado con data do 1 de xuño de 2022 por Javier Fernández Mitre, enxeñeiro industrial con número colexial 15.670 de Madrid.

2. O proxecto someteuse ao trámite de información pública mediante resolución publicada nos seguintes medios:

– Acordo de información pública: 14 de xullo de 2022.

– DOG: 11 de agosto de 2022.

– BOP: 27 de xullo de 2022.

– Xornal La Voz de Galicia: 27 de xullo de 2022.

– Taboleiro de anuncios do Concello: segundo certificado municipal da Secretaría Xeral do Concello de Cedeira.

3. Durante o período en que se someteu o proxecto ao trámite de información pública non se presentou ningunha alegación, reclamación ou suxestión relacionada coa documentación obxecto de publicación.

4. Solicitóuselles o preceptivo informe ás distintas administracións, organismos ou, de ser o caso, empresas de servizo público ou de servizos de interese xeral afectadas, isto é, o Servizo Provincial da Axencia Galega de Infraestruturas-Xefatura Territorial da Consellería de Infraestruturas e Mobilidade da Coruña e o Concello de Cedeira. A empresa promotora manifestou a súa conformidade co condicionado establecido polo organismo afectado, isto é, a AXI. Con data desta resolución non consta no expediente resposta do organismo afectado, é dicir, o Concello, á solicitude do condicionado solicitado.

5. O 23 de febreiro de 2023 emitiuse o informe técnico.

Consideracións legais e técnicas:

1. O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia; no Decreto 73/2022, do 25 de maio, polo que se fixa a estrutura orgánica das vicepresidencias e das consellerías da Xunta de Galicia, e no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación.

2. Lexislación de aplicación:

1) Lei 39/2015, do 1 de outubro, do procemento administrativo común das administracións públicas (BOE núm. 236, do 2 de outubro).

2) Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

3) Lei 24/2013, do 26 de decembro, do sector eléctrico (BOE núm. 310, do 27 de decembro).

4) Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

5) Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

6) Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

7) Real decreto 842/2002, do 2 de agosto, polo que se aproba o Regulamento electrotécnico para baixa tensión (BOE núm. 224, do 18 de setembro).

8) Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

9) Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro).

10) Lei do 16 de decembro de 1954, sobre expropiación forzosa (BOE núm. 351, do 17 de decembro).

11) Decreto do 26 de abril de 1957, polo que se aproba o Regulamento da Lei de expropiación forzosa (BOE núm. 160, do 20 de xuño).

3. Características técnicas:

– LMTS a 20 kV, de 374 metros, condutor tipo RHZ1-2OL 12/20 kV 3×(1×150) mm2 Al, con orixe no CT Cordobelas (15CU37) e remate no PA/S proxectado no apoio proxectado tipo C-2000/16 frecuentado con autoválvulas. O condutor instalarase en canalización existente (342 m) e proxectado (7 m), baixo tubaxe en gabias de 0,4 metros de ancho e unha profundidade entre 1,2 e 0,8 metros de profundidade. As tubaxes serán de 160 mm de diámetro, compostas por polietileno de alta densidade.

– Desmantelamento treito LMTA a 20 kV, con orixe no CT Cordobelas (15CU37) e remate no apoio proxectado.

– Retensado treito LMTA (actuación 1) a 20 kV, de 206 m, condutor tipo LA-30 Al, con orixe no apoio número proxectado e remate no apoio número AXBKWA97//2-2 existente.

– LMTA (actuación 2) a 20 kV, de 129 m, condutor tipo LA-30 Al, con orixe no apoio número AXAMQ90//2-3 existente da LMT CDR807, procedente da subestación Cedeira, e remate no apoio número AX9LKFFT//2-5 existente.

– Substitución dos apoios de formigón de tipo HV-250-14 e 2B-14, con matrículas AXDO1C9E//2-1 e AX9MBUJS//2-4, por outros de tipo C-1000/16 e C-2000/16.

4. Na visita de campo realizada para examinar o lugar da instalación non se apreciou, nos predios sometidos a expropiación, ningunha das limitacións á constitución da servidume sinaladas no artigo 58.a) da Lei 24/2013, do 26 de decembro, do sector eléctrico.

5. No expediente consta un informe favorable dos servizos técnicos desta xefatura territorial.

Consonte todo o sinalado,

RESOLVO:

a) Conceder a autorización administrativa previa, a autorización administrativa de construción e a declaración de utilidade pública, en concreto, da dita instalación de distribución eléctrica.

b) A instalación executarase no prazo dun ano, contado a partir da data de ocupación dos terreos.

A declaración de utilidade pública leva implícita a necesidade de ocupación dos bens e de adquisición dos dereitos afectados, e implicará a urxente ocupación, para os efectos do artigo 52 da Lei de expropiación forzosa.

c) Para a posta en funcionamento da instalación autorizada, deberá achegar ante esta xefatura territorial unha solicitude á cal xuntará a seguinte documentación:

– As declaracións de conformidade relativas ao material ou equipamento e as certificacións ou homologacións, se procede.

– Un certificado do/da director/a da montaxe, no cal se garantirá o cumprimento das especificacións do proxecto e prescricións complementarias, se as houber, así como das regulamentacións e normas axeitadas para a montaxe da instalación e posta a punto.

– Planimetría as built da instalación eléctrica en formato shape.

d) Esta autorización outórgase sen prexuízo doutras que sexan de aplicación segundo a lexislación vixente, en especial as relativas á ordenación do territorio e ao ambiente.

Contra esta resolución, que non é definitiva en vía administrativa, poderase interpor recurso de alzada, ante o vicepresidente primeiro e conselleiro de Economía, Industria e Innovación, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren pertinente.

Mediante este documento notifícaselles aos interesados esta resolución, segundo o exixido no artigo 40.1 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

A Coruña, 6 de marzo de 2023

Isidoro Martínez Arca
Xefe territorial da Coruña