Para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, anexo XII do Regulamento (UE) nº 1303/2013, do Parlamento Europeo e do Consello, do 17 de decembro de 2013, dáse publicidade á actuación contratada, de acordo co disposto na Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014, que a seguir se indica por razón do seu cofinanciamento pola Unión Europea:

1. Expedientes de contratación.

A) Contrato menor do servizo de redacción de proxecto básico e de execución e dirección de obra da reforma do centro de saúde de Ribadavia (Ourense) (exp. CM-SER3-21-008).

1. Obxecto do contrato: servizo de redacción de proxecto básico e de execución e dirección de obra da reforma do centro de saúde de Ribadavia (Ourense).

2. Importe de adxudicación con IVE: 14.520,00 €.

3. Duración: igual ao contrato de obras a que está vinculado.

4. Adxudicatario inicial: Henrique Ferro Cruz con DNI 33****4Y.

B) Contrato menor de servizo de supervisión de instalacións do proxecto de ampliación e reforma do centro de saúde de Porriño (Pontevedra) (exp. CM-SER3-21-023).

1. Obxecto do contrato: servizo de supervisión de instalacións do proxecto de ampliación e reforma do centro de saúde de Porriño (Pontevedra).

2. Importe de adxudicación con IVE: 2.722,50 €.

3. Duración: 2 semanas.

4. Adxudicataria: Inous Enxeñería Global, S.L. con DNI B70****23.

C) Contrato menor de subministración, fabricación e instalación de rótulo exterior retroiluminado e monolito no centro de saúde de Mugardos (exp. CM-SER3-21-032).

1. Obxecto do contrato: subministración, fabricación e instalación de rótulo exterior retroiluminado e monolito no centro de saúde de Mugardos.

2. Importe de adxudicación con IVE: 6.594,50 €.

3. Duración: 30 días naturais.

4. Adxudicataria: Neón Arte, S.L. con DNI B36****46.

D) Contrato menor de subministración, fabricación e instalación de rótulo exterior retroiluminado no centro de saúde das Pontes (exp. CM-SER3-21-040).

1. Obxecto do contrato: subministración, fabricación e instalación de rótulo exterior retroiluminado no centro de saúde das Pontes.

2. Importe de adxudicación con IVE: 6.292,24 €.

3. Duración: 20 días naturais.

4. Adxudicataria: Groma Obras, S.L. con DNI B70****11.

2. Financiamento.

Todas estas actuacións financiaranse ao 100 % do gasto elixible no marco do instrumento de axuda á recuperación para a cohesión e os territorios de España (REACT-EU), no marco do programa operativo Feder Galicia 2014-2020.

A actuación enmárcase dentro do programa operativo no eixe prioritario 20, «Favorecer a reparación da crise no contexto da pandemia da COVID-19 e as súas consecuencias sociais e preparar unha recuperación verde, dixital e resiliente da economía»; prioridade de investimento 13.i, «Favorecer a reparación da crise no contexto da pandemia da COVID-19 e as súas consecuencias sociais e preparar unha recuperación verde, dixital e resiliente da economía»; obxectivo específico 20.1.5 REACT-UE 5 «Apoiar investimentos en infraestruturas que presten servizos básicos aos cidadáns».

A axuda á recuperación para a cohesión e os territorios de Europa (REACT-UE) é unha iniciativa que prosegue e amplía as medidas de resposta á crise e de reparación da crise proposta na iniciativa de investimento en resposta ao coronavirus (IIRC) e na iniciativa de investimento en resposta ao coronavirus plus (IIRC+).

O REACT-UE inclúe fondos adicionais que se porán á disposición do Feder, entre outros fondos europeos, operando así como fondos estruturais, e procederán do fondo de recuperación NextGenerationEU, instrumento financeiro excepcional de recuperación temporal.

Os recursos REACT-UE prestarán asistencia para favorecer a reparación da crise no contexto da pandemia da COVID-19 e as súas consecuencias sociais e para preparar unha recuperación verde, dixital e resiliente da economía.

3. Información.

3.1. Poder adxudicador:

a) Organismo: Servizo Galego de Saúde.

b) Dependencia que tramita o expediente: Dirección Xeral de Recursos Económicos, por delegación mediante o Decreto 137/2019, do 10 de outubro, polo que se establece a estrutura orgánica do Servizo Galego de Saúde (DOG núm. 208, do 31 de outubro) e a Orde do 22 de abril de 2020 sobre delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde (DOG núm. 82, do 29 de abril).

3.2. Tipo de poder adxudicador: organismo de dereito público. A súa principal actividade: saúde.

3.3. Servizo do cal se pode obter información: Subdirección Xeral de Investimentos. Servizo de Xestión. Enderezo electrónico: servizo.xestion@sergas.es

3.4. Datos e referencias de publicacións anteriores no Diario Oficial de la Unión Europea relevantes para o contrato: non procede.

Santiago de Compostela, 28 de febreiro de 2023

O presidente do Servizo Galego de Saúde
P.D. (Decreto 137/2019 e Orde do 22.4.2020)
María Jesús Piñeiro Bello
Directora xeral de Recursos Económicos