Mediante esta cédula, e debido a que, intentada a notificación da resolución da reclamación previa a María Teresa Vilela López, non puido ser atopada no enderezo facilitado pola interesada, comunícase:
Resolución de reclamación previa ao reintegro dos gastos por asistencia sanitaria con medios alleos.
Referencia: RGA-2022000089-FE.
Antecedentes:
A Xerencia da Área Sanitaria de Ferrol, con rexistro de saída do 11 de outubro de 2022, comunica a María Teresa Vilela López a resolución desfavorable do reintegro dos gastos de asistencia sanitaria por medios alleos por importe de 16.170,40 €. A interesada presenta o escrito de reclamación previa con rexistro de entrada do 28 de novembro de 2022. Daquela,
RESOLVO:
Desestimar a solicitude de reintegro de gastos de asistencia sanitaria con medios alleos de María Teresa Vilela López, por non se tratar dunha urxencia inmediata e de carácter vital, e utilizar por decisión propia os servizos distintos aos da Seguridade Social.
Contra esta resolución, que pon fin á vía administrativa, poderá interpoñer unha demanda ante o Xulgado do Social, no prazo de trinta (30) días, que contarán desde o día seguinte ao da súa notificación, segundo o disposto no artigo 71.6 da Lei 36/2011, reguladora da xurisdición social, do 10 de outubro (BOE do 11 de outubro).
A Xerencia da Área Sanitaria é competente para resolver o expediente, por delegación da Consellería de Sanidade, segundo a redacción dada ao artigo 8.f) da Orde do 22 de abril de 2020 sobre delegación de competencias en órganos centrais e periféricos do Servizo Galego de Saúde (DOG núm. 82, do 29 de abril).
Para que conste, lle sirva de notificación á interesada e en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido, asino e selo esta cédula; a eficacia desta notificación queda supeditada á súa publicación no taboleiro de edictos único (TEU) do BOE.
Ferrol, 15 de febreiro de 2023
Ángel Facio Villanueva
Xerente da Área Sanitaria de Ferrol