O Pleno deste concello, en sesión do 20.1.2023, aprobouse definitivamente o Plan de actuación municipal contra os incendios forestais do Concello de Pontevedra.

O plan non ten carácter normativo, polo que se debe entender como un plan especial de emerxencias no eido dos incendios forestais, de conformidade coa Lei 5/2007, do 7 de maio, de emerxencias de Galicia. Neste sentido, as previsións que se efectúan respecto ás obrigas de terceiros consideraranse na medida en que reproducen preceptos legais de directa aplicación, e os planos que se inclúen terán carácter informativo. Isto salvo a súa tramitación complementaria, chegado o caso, como instrumento regulamentario e de conformidade coa Lei galega 3/2007, do 9 de abril, de prevención e defensa contra os incendios forestais de Galicia.

O anuncio completo da súa aprobación, así como o plan, publícase na sede electrónica (https://sede.pontevedra.gal/), nas epígrafes Transparencia, información de planificación e plans de actuación. Facilitaráselle a ligazón actualizada (de ser o caso) a calquera persoa coa simple solicitude de palabra.

Un exemplar do plan aprobado para a consulta pública estará á disposición de calquera persoa interesada, ademais de na web ou na sede electrónica, na Dirección Xeral de Protección Cidadá, sita na rúa Churruchaos, 2, 2º.

Contra o acordo de aprobación definitiva, que esgota a vía administrativa, poderá interpoñerse recurso contencioso-administrativo ante o xulgado de Pontevedra competente desta orde, nos dous meses contados desde o día seguinte ao da súa publicación (artigos 8, 14 e 46 da Lei 29/1998, do 13 de xullo).

Non obstante, poderá interpoñerse recurso potestativo de reposición ante o órgano autor desta resolución ou acordo, no prazo dun mes contado desde o día seguinte ao da súa publicación (artigo 124 da Lei 39/2015, do 1 de outubro). De optarse pola interposición do recurso de reposición, o recurso contencioso-administrativo non poderá interpoñerse ata que aquel se resolva expresamente ou por silencio administrativo.

O recurso de reposición deberase resolver e notificar no prazo dun mes, e entenderase rexeitado polo transcurso do devandito prazo sen resolución expresa e notificada (artigos 124.2 e 24.1 e 2 da Lei 39/2015). Neste último caso, poderase interpoñer recurso contencioso-administrativo no prazo de seis meses, contados desde o día seguinte a aquel en que deba entenderse presuntamente desestimado (artigos 46.1 e 4 da Lei 29/1998).

Isto sen prexuízo de interpoñer calquera outro recurso que se considere e sexa conforme ao dereito.

Pontevedra, 3 de febreiro de 2023

Miguel Anxo Fernández Lores
Alcalde