De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, ao ignorar o lugar de notificación dos titulares, emprázanse as persoas interesadas que se sinalan no anexo deste anuncio para o trámite de audiencia sobre a compatibilidade da instalación tramitada no expediente 2020/13 AT, modificado 1 do proxecto CT e LMT pechamento TTL814 con SAR806, co MVMC Chá (Corvelle).

As persoas interesadas dispoñen dun prazo de quince (15) días hábiles, contados desde o día seguinte ao da publicación deste anuncio no Boletín Oficial del Estado, para comparecer nas oficinas da sede da Xefatura Territorial de Lugo, sita na rolda da Muralla, 70, das 9.00 ás 14.00 horas, de luns a venres, para o coñecemento íntegro do trámite de audiencia e constancia deste. Transcorrido o dito prazo de quince (15) días hábiles sen efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.

A eficacia do acto queda supeditada á súa publicación no taboleiro de edictos único do Boletín Oficial del Estado, polo que o prazo para comparecer se computará desde esta publicación.

Lugo, 1 de febreiro de 2023

Gustavo José Casasola de Cabo
Xefe territorial de Lugo

ANEXO

Persoas interesadas	Acto que se notifica
MVMC Chá (Corvelle)	Trámite de audiencia