Visto o expediente instruído para os efectos de transmisión da batea B.M. II e da concesión administrativa que a ampara, resolvo:
Autorizar a transmisión mortis causa da metade indivisa da concesión administrativa e da batea que a continuación se indica, a favor de María Montserrat Blanco Reboiras, con NIF ***3586**, en calidade de usufrutuaria vitalicia:
Tipo: batea.
Nome: B.M. II.
Cuadrícula: 168.
Polígono: E.
Distrito: Caramiñal.
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 5.11.1976.
Remate da vixencia: 15.12.2029.
Actuais titulares: Enrique Sánchez Ábalo, con NIF ***7804** (50 % con carácter privativo) e Ángel Manuel Sánchez Ábalo, con NIF ***8063** (50 % con carácter privativo).
Novos titulares: María Montserrat Blanco Reboiras, con NIF ***3586** (50 % con carácter privativo en calidade de usufrutuaria vitalicia) e Ángel Manuel Sánchez Ábalo (50 % con carácter privativo).
Esta autorización outórgase baixo as seguintes condicións particulares:
Primeira. A transmisión desta metade indivisa da concesión e da batea B.M. II a favor de María Montserrat Blanco Reboiras autorízase na súa condición de usufrutuaria vitalicia do viveiro; o dito dereito de usufruto réxese polo establecido na Lei 2/2006, do 14 de xuño, de dereito civil de Galicia.
Segunda. Non se autorizarán, por esta Consellería do Mar, transmisións inter vivos desta metade indivisa da concesión e da batea B.M. II realizadas por María Montserrat Blanco Reboiras, sen o consentimento da persoa propietaria sen usufruto.
Terceira. A transmisión mortis causa desta metade indivisa da concesión e da batea B.M. II correspondente a María Montserrat Blanco Reboiras autorizarase, por esta Consellería do Mar, unicamente a favor da persoa propietaria sen usufruto.
Cuarta. A extinción do dereito de usufruto de María Montserrat Blanco Reboiras sobre a metade indivisa da concesión e a batea B.M. II, implicará a transmisión da dita metade indivisa da concesión e da batea B.M. II a favor da persoa propietaria sen usufruto.
A nova titular da concesión queda subrogada nos dereitos e nas obrigas do anterior.
Notificar a presente resolución á persoa interesada coa indicación de que contra ela, que pon fin á vía administrativa, cabe recurso contencioso-administrativo ante o Tribunal Superior de Xustiza de Galicia de acordo co establecido na Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación, conforme o disposto no artigo 46.1 da citada norma legal, sen prexuízo de que con carácter previo e potestativo poida presentar recurso de reposición ante a conselleira do Mar, no prazo dun mes contado desde o día seguinte ao da súa notificación, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
A Coruña, 23 de xaneiro de 2023
A conselleira do Mar
P.D. (Orde do 21.2.2022)
María José Cancelo Baquero
Xefa territorial da Coruña