A Dirección Xeral do Patrimonio Cultural ditou, o 19 de setembro de 2021, acordo de incoación do procedemento sancionador que se indica, por infracción da Lei 5/2016, do 4 de maio, do patrimonio cultural de Galicia. Intentada a notificación persoal deste acordo para os efectos unicamente de notificar o arquivamento do procedemento, non foi posible efectuala.
Por este anuncio, e segundo dispoñen os artigos 44 e 46 da Lei 39/2015, do 1 de outubro, do procedemento administrativo común das administracións públicas, emprázanse as persoas interesadas que se indican no anexo para seren notificadas por comparecencia dos actos cuxo contido se indica. A comparecencia que poderán realizar deberase efectuar no prazo de dez días hábiles, contados desde o seguinte ao da publicación deste anuncio no taboleiro de edictos único do Boletín Oficial del Estado, na sede do Servizo de Vixilancia e Inspección da Dirección Xeral do Patrimonio Cultural, na Consellería de Cultura, Educación, Formación Profesional e Universidades, no Edificio Administrativo San Caetano, 3º andar, das 9.00 ás 14.00 horas, de luns a venres, en Santiago de Compostela.
A eficacia desta notificación queda supeditada á súa publicación no dito taboleiro de edictos único. Transcorrido o prazo sinalado sen efectuarse a comparecencia, a notificación entenderase producida desde o día seguinte ao do vencemento do prazo.
Santiago de Compostela, 23 decembro de 2022
Mª Carmen Martínez Ínsua
Directora xeral do Patrimonio Cultural
ANEXO
Procedemento sancionador: S-P-55-21, Vila de Cruces (Pontevedra).
DNI/CIF da persoa interesada: 76795495J.
Acto notificado: arquivamento de procedemento sancionador.