De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles ás persoas relacionadas no anexo o acto que se indica no expediente sancionador en materia de estradas (Lei 8/2013, do 28 de xuño, de estradas de Galicia), logo de que fose devolto polo servizo de Correos por resultar descoñecida a persoa destinataria ou porque, unha vez intentada, non se puido efectuar a notificación.

Segundo se establece no artigo 46 da citada lei, as persoas interesadas disporán dun prazo de 10 días contados desde o seguinte ao da publicación deste anuncio no taboleiro de edictos único (TEU) do Boletín Oficial del Estado, para comparecer na sede da Xefatura Territorial da Consellería de Infraestruturas e Mobilidade (avenida María Victoria Moreno 43-1º, Edificio Administrativo, 36003 Pontevedra) se desexan examinar o expediente e coñecer o contido íntegro deste acto, que contén tamén o ofrecemento do prazo de alegacións ou de recursos. Unha vez transcorrido o dito prazo de dez días sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado.

Pontevedra, 15 de decembro de 2022

José Luis Díez Yáñez
Xefe territorial de Pontevedra

ANEXO

Expediente	Persoa interesada	Acto notificado	Precepto infrinxido	Estrada
058/21	Laura Pastoriza Casal	Incoación de expediente	61.3.a)	PO-551, Marín-Rande
056/22	Ramón Berguer Sández	Incoación de expediente	61.2.c)	PO-551, Marín-Rande
061/22	Pilar Iglesias Martínez	Incoación de expediente	61.2.g)	PO-551, Marín-Rande