Logo de aprobar inicialmente o seguinte Plan especial pola Resolución da Alcaldía núm. 1018, do 30 de novembro de 2022, de conformidade co artigo 75.1.a) da Lei 2/2016, do 10 de febreiro, do solo de Galicia, e co artigo 186.1.a) do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro, sométese á información pública por un prazo de dous meses, contados desde a última publicación no Diario Oficial de Galicia.

Así mesmo, estará á disposición na sede electrónica deste concello [http://mondariz.sedelectronica.gal].

Durante o devandito prazo, poderá examinarse por calquera interesado nas dependencias municipais, para que se formulen as alegacións que se consideren pertinentes ou para obter copias.

Así mesmo, suspéndese o outorgamento das seguintes licenzas nas áreas afectadas pola aprobación do Plan especial de infraestruturas e dotacións para a construción dun albergue na Cela por un prazo máximo de dous anos, contados desde a devandita aprobación inicial, extinguíndose, en calquera caso, coa aprobación definitiva do plan.

Mondariz, 1 de decembro de 2022

Xosé Emilio Barros Bello
Alcalde