Mediante a Resolución da directora da Axencia Galega de Innovación do 29 de xullo de 2022 (publicada no DOG núm. 162, do 26 de agosto) establecéronse as bases reguladoras e convocouse o IV Premio aos empregados/as públicos/as innovadores/as, co obxectivo de sensibilizar e incentivar o uso da innovación para a mellora dos servizos públicos e a optimización na xestión dos recursos públicos.
En cumprimento do establecido no artigo 11 das bases reguladoras a adxudicación dos premios realizarase mediante resolución da directora de GAIN, de acordo coa proposta do comité de avaliación.
De acordo co exposto, e seguindo o procedemento regulado nas bases reguladoras,
RESOLVO:
1. Adxudicar o IV Premio aos empregados/as públicos/as innovadores/as na súa convocatoria do ano 2022, logo da proposta do comité de avaliación:
– Na categoría de Identificación de oportunidades a solicitude achegada por Roberto Vieito Raña, con NIF ***3839** , polo proxecto ENERXÍA.GAL-Optimización enerxética na Xunta de Galicia. Ao tratarse dunha solicitude individual, o premio consistirá nun importe en metálico de 2.000 euros, suxeito ás retencións fiscais que legalmente correspondan.
– Na categoría de Proxecto coa temática máis innovadora, a solicitude achegada por José Marcial Díaz Manso, con NIF ***4318**, Encarnación Nieto Zas, con NIF ***8856**, e Pablo Amenedo Bermúdez, con NIF ***0879**, polo proxecto Mestres Gandeiros. Ao tratarse dunha solicitude en equipo, o premio consistirá nun importe en metálico de 3.000 euros, suxeito ás retencións fiscais que legalmente correspondan.
2. Conforme o artigo 22 das bases reguladoras, os premios financiaranse con cargo á aplicación orzamentaria 06.A2.561A.480.0 dos orzamentos da Comunidade Autónoma galega para o ano 2022.
Esta resolución, que pon fin á vía administrativa, poderá ser impugnada en reposición ante o mesmo órgano que a ditou, no prazo dun mes contado a partir do día seguinte ao da súa publicación no Diario Oficial de Galicia, de acordo co disposto polos artigos 123 e 124 da Lei 39/2015, do 1 de outubro, do procedemento administrativo común das administracións públicas. Así mesmo, cabe a interposición directa de recurso contencioso-administrativo ante os xulgados desa xurisdición que resulten competentes, no prazo de dous (2) meses contados tamén a partir do día seguinte ao da publicación deste acto no dito boletín oficial, de acordo co disposto nos artigos 8.2.a), 14 e 46.4, respectivamente.
Santiago de Compostela, 23 de novembro de 2022
Patricia Argerey Vilar
Directora da Axencia Galega de Innovación