Mediante a Orde do 11 de outubro de 2022, publicada no Diario Oficial de Galicia núm. 203, do 25 de outubro de 2022, convocouse a provisión, polo sistema de libre designación, dun posto de traballo vacante na Vicepresidencia Primeira e Consellería de Presidencia, Xustiza e Deportes.

De conformidade co establecido no artigo 92 da Lei 2/2015, do 29 de abril, do emprego público de Galicia, e nos artigos 26 e 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico,

DISPÓN:

Primeiro. Resolver a convocatoria pública efectuada pola Orde do 11 de outubro de 2022 e designar a funcionaria cuxos datos se sinalan no anexo desta orde, conforme o establecido nas bases da convocatoria.

Segundo. O cesamento no actual destino do funcionario/a que obtivo praza efectuarase no prazo de tres días hábiles, contados a partir do seguinte ao da data de publicación desta orde no Diario Oficial de Galicia.

O prazo para tomar posesión do novo destino obtido será de tres días hábiles a partir do seguinte ao de cesamento se non implica cambio de residencia ou de sete días hábiles se comporta cambio de residencia. Se comporta o reingreso ao servizo activo, o prazo de toma de posesión será dun mes de conformidade co disposto no establecido no artigo 8.1 do Decreto 151/2022, do 4 de agosto (DOG núm. 173, do 12 de setembro).

Terceiro. A xefatura do centro en que cause baixa o persoal funcionario, así como a daquel en que obteña praza, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión, que serán trasladadas á Dirección Xeral da Función Pública.

Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición perante este mesmo órgano, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 30 de novembro de 2022

Diego Calvo Pouso
Vicepresidente segundo e conselleiro de Presidencia,
Xustiza e Deportes

ANEXO

Apelidos e nome: Fernández Viéitez, María José.

DNI: ***2070 **.

Grupo: C2.

Posto de traballo: secretario/a do/da delegado/a territorial.

Código do posto: PR.C99.00.000.36001.002.

Nivel: 18.

Centro directivo: Delegación Territorial de Pontevedra.

Localidade: Pontevedra.

* O DNI amósase cifrado co fin de protexer os datos de carácter persoal.