Mediante a Resolución da Alcaldía do Concello de Taboada do 14 de novembro de 2022 aprobáronse as bases e a convocatoria para cubrir 15 prazas de auxiliares de axuda no fogar e 1 praza de limpador/a, polo procedemento de concurso de méritos.
No Boletín Oficial da provincia de Lugo núm. 262, do 16 de novembro de 2022, aparecen integramente publicadas as bases da convocatoria para cubrir 15 prazas de auxiliares de axuda no fogar e 1 praza de limpador/a, polo procedemento de concurso de méritos, cuxas características son:
Denominación do posto: auxiliar de axuda a domicilio.
Subgrupo: agrupación profesional.
Escala: servizos especiais.
Titulación académica: certificado de profesionalidade de auxiliar de axuda no fogar ou certificados de profesionalidade que son válidos para institucións.
Número de vacantes: 15.
Denominación do posto: peón limpador de edificios municipais.
Subgrupo: agrupación profesional.
Escala: servizos especiais.
Titulación académica: certificado de escolaridade ou superior.
Número de vacantes: 1.
O prazo de presentación de solicitudes será de vinte días naturais contados desde o día seguinte ao da publicación deste anuncio no Boletín Oficial del Estado.
Os sucesivos anuncios desta convocatoria, cando procedan de conformidade coas bases, publicaranse no Boletín Oficial da provincia de Lugo, no taboleiro de edictos e na páxina web do Concello de Taboada, www.concellotaboada.es
Taboada, 17 de novembro de 2022
Ramiro Moure Ansoar
Alcalde