Para os efectos previstos no artigo 28 do Regulamento para a execución da Lei 13/1989, do 10 de outubro, de montes veciñais en man común, Decreto 260/1992, do 4 de setembro, e de conformidade co disposto no artigo 45.1 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Lugo, na sesión que tivo lugar o 22.9.2022 baixo a presidencia de María Olga Iglesias Fontal, e coa asistencia dos vogais Manuel González Fernández, Josefina Pereira de la Riera e Antonio José López-Acuña Herrero, e da secretaria Lucía Belver Quiroga, ditou a resolución de clasificar como veciñal en man común o seguinte monte:

– Nome: Santa Cristina (ampliación).

– Pertenza: veciños da parroquia de Requeixo.

– Parroquia: Requeixo.

– Concello: Sarria.

– Superficie: 10,3 hectáreas.

Na seguinte táboa indícanse, diferenciadas en 2 zonas, as referencias catastrais das parcelas obxecto de clasificación, así como das estremeiras. O plano que figura no anexo I, ao final deste anuncio, facilita a súa localización.

Zona	Parcelas obxecto de clasificación	Parcelas estremeiras
1	27057A01800522 27057A01809029 (parte)	Norte	27057A01800321
		Leste	27057A01800536
		Sur	27057A01800480 27057A01809029
		Oeste	27057A01809003
2	27057A01800495 27057A02101200 27057A01800327 27057A02101026 27057A02101201 (parte) 27057D50105063 (parte) 27057A01809029 (parte) AM0201300PH23H AM0200700PH23H AM0201900PH23H AM0201800PH23H AM0201700PH23H AM0202300PH23H 27057A02101232	Norte	27057A01809029 27057A01800500 27057A01800310 27057A01800311 27057A01800306
		Leste	27057A01809003 27057A01800309 27057A01800308 27057A02101130 AM0202400PH23H
		Sur	27057A02101129 27057A02101028 27057A02101031 27057D50100143
		Oeste	27057D50105063 27057D50100144 27057A02101201 27057A02101210 27057A02101233 27057A01809003

Tendo en conta esta ampliación, o MVMC de Santa Cristina pasa a ter unha superficie total de 24,94 hectáreas.

Contra esta resolución, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.

Lugo, 2 de novembro de 2022

María Olga Iglesias Fontal
Presidenta do Xurado Provincial de Clasificación de Montes
Veciñais en Man Común de Lugo