De conformidade cos artigos 44 e 46.1 da Lei 39/2015, do 1 de outubro, do procedemento administrativo común das administracións públicas, intentouse sen efecto a notificación do acto que se indica por causas non imputables á Administración.
Ao non ser posible a práctica da comunicación a que se refire o número 2 do artigo 22 da Lei 3/2007, do 9 de abril, de prevención e defensa contra os incendios forestais de Galicia, aos titulares das parcelas que se relacionan a seguir, por causas non imputables a esta Administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a comunicación de xestión da biomasa.
Acto que se notifica |
Ref. catastral Polígono/parcela |
Localización |
Interesado/a Persoa responsable |
Orde de execución (exp. 1522-2022) Resolución inicio O.E. do 28.9.2022 |
36043A023006040000JH (polígono 23-parcela 604) |
Buchabade |
Hdos. de Josefa Muíños Cortizo |
Orde de execución (exp. 1599-2022) Resolución inicio O.E. do 28.9.2022 |
36043A032001340000JX (polígono 32-parcela 134) |
Anceu |
Descoñecido/a |
Orde de execución (exp. 1598-2022) Resolución inicio O.E. do 29.9.2022 |
36043A032001330000JD (polígono 32-parcela 133) |
Anceu |
Armerinda Garrido |
Orde de execución (exp. 1600-2022) Resolución inicio O.E. do 27.9.2022 |
36043A048007810000JM (polígono 48-parcela 781) |
Taboadelo |
José Orge |
Orde de execución (exp. 1389-2022) Resolución inicio O.E. do 28.9.2022 |
36043A024000340000JS (polígono 24-parcela 34) |
Parada |
Hdos. de José Lois Estévez |
En virtude do que antecede, comunícaselle que nas referidas parcelas incúmprese o establecido no artigo 21 da Lei 3/2007. Polo tanto, dispón dun prazo máximo de 15 días naturais para o cumprimento voluntario para xestionar a biomasa na parcela citada, que se iniciará o día seguinte ao da recepción desta notificación.
Publícase o presente anuncio no Diario Oficial de Galicia (DOG) para que sirva de notificación á persoa interesada, a cuxo fin se lle comunica que tanto a notificación como o expediente se atopa á súa disposición no Concello de Ponte Caldelas (avenida de Galicia, 17, 36820 Ponte Caldelas, Pontevedra). Igualmente poderá acceder a través da sede electrónica desta entidade.
Considerando que o artigo 22.3 da Lei 3/2007, do 9 de abril, de prevención e defensa contra os incendios forestais de Galicia, establece que, cando non se puider determinar a identidade da persoa responsable da xestión da biomasa vexetal e retirada de especies arbóreas prohibidas ou resultar infrutuosa a notificación da comunicación, efectuarase mediante un anuncio no Boletín Oficial del Estado e no Diario Oficial de Galicia dos datos catastrais da parcela.
Considerando que o artigo 22.4 da Lei 3/2007, do 9 de abril, de prevención e defensa contra os incendios forestais de Galicia, posibilita este concello para a execución subsidiaria en caso de incumprimento dos traballos de xestión da biomasa e para repercutir os custos ás persoas responsables.
Considerando que o artigo 22.6 da Lei 3/2007, do 9 de abril, de prevención e defensa contra os incendios forestais de Galicia, establece a obriga das persoas responsables de facilitar os necesarios accesos ás entidades responsables dos traballos de xestión da biomasa, que non requirirán de ningunha autorización para a execución subsidiaria da xestión da biomasa nas redes de faixas de xestión.
Ponte Caldelas, 4 de outubro de 2022
Andrés Díaz Sobral
Alcalde presidente