De conformidade co disposto no terceiro punto do artigo 3 do Decreto 44/1988, do 11 de febreiro, polo que se regulan o Consello Escolar de Galicia, os consellos escolares territoriais e municipais, e en desenvolvemento da Lei 3/1986, do 18 de decembro, de consellos escolares de Galicia, o Consello Escolar de Galicia, na súa sesión do 11 de outubro de 2022, elixiu a Manuel Corredoira López vicepresidente do citado órgano.
En virtude do exposto anteriormente,
DISPOÑO:
Artigo único
Nomear vicepresidente do Consello Escolar de Galicia a Manuel Corredoira López, que tomará posesión do seu cargo ante o presidente do Consello Escolar de Galicia.
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 25 de outubro de 2022
Román Rodríguez González
Conselleiro de Cultura, Educación, Formación Profesional e Universidades