O Pleno do Concello de Soutomaior, en sesión do 29 de setembro de 2022, aprobou definitivamente o expediente do Plan especial de infraestruturas e dotacións dun centro de saúde no concello de Soutomaior.
Antecedentes:
1. Mediante a Resolución da Alcaldía do 26 de marzo de 2021, número 2021/124, adxudicóuselle á empresa Arqyur, S.C. o contrato menor de servizo para a redacción do Plan especial de infraestruturas e dotacións para a implantación dun centro de saúde en Soutomaior.
2. O 3 de maio de 2021 (RE 413/21) foi entregado polo equipo redactor no Rexistro Xeral do Concello o borrador e documento ambiental estratéxico (DAE) do Plan especial de infraestruturas e dotacións dun centro de saúde no concello de Soutomaior redactado polos arquitectos Alfredo Garrote Pazos, Mónica Mesejo Conde e Sara Prieto Hortas.
3. Mediante a Resolución da Alcaldía do 5 de maio de 2021 acordouse solicitar da Dirección Xeral de Calidade Ambiental e Cambio Climático da Xunta de Galicia o inicio da avaliación ambiental estratéxica simplificada do sinalado PEID. Para tal efecto remítese a documentación técnica do borrador do DAE en soporte dixital e ficheiros editables.
4. O 24 de xuño de 2021 a Dirección Xeral de Calidade Ambiental, Sostibilidade e Cambio Climático resolveu non someter ao procedemento de avaliación ambiental estratéxica ordinaria o PEID remitido, ao non prever efectos significativos sobre o ambiente.
5. Constan no expediente administrativo os seguintes informes sectoriais emitidos polos organismos, nas datas e co resultado que se indican a seguir:
|
Organismo |
Solicitude |
Informe |
Sentido |
|
Servizo Provincial de Costas de Pontevedra. AXE. |
27.5.2021 (emenda) |
Non consta |
Non consta |
|
Dirección Xeral de Ordenación do Territorio e e Urbanismo. Xunta de Galicia. |
10.5.2021 |
21.5.2021 |
Favorable |
|
Dirección Xeral de Aviación Civil. AXE. |
15.5.2021 |
1.7.2021 |
Favorable |
6. O 19 de xuño de 2021 o equipo redactor fixo entrega do documento para a aprobación inicial do citado PEID destinado á implantación dun centro de saúde.
7. O 6 de xullo de 2021 a arquitecta municipal emitiu informe relativo á avaliación económica do PEID en tramitación, avaliando o custo total dos traballos de redacción da documentación técnica execución técnica e obtención do solo en 177.026,08 €.
8. O 6 de xullo de 2021 a arquitecta municipal emitiu informe relativo á avaliación económica do PEID en tramitación, avaliando o custo total dos traballos de redacción da documentación técnica, execución técnica e obtención do solo en 177.026,08 €.
9. O 22 de xullo de 2021 emitiron informe os servizos de Asesoría Xurídica do Concello e Secretaría Municipal.
10. O 26 de xullo de 2021 emitiu ditame a Comisión Informativa de Obras, Urbanismo e Medio Ambiente do Concello.
11. En sesión do 28 de xullo de 2021 o Pleno do Concello de Soutomaior adoptou o seguinte acordo: I) Aprobar inicialmente o Plan especial de infraestruturas e dotacións dun centro de saúde no concello de Soutomaior redactado polos arquitectos Alfredo Garrote Pazos, Mónica Mesejo Conde e Sara Prieto Hortas, datado en xullo de 2021, presentado xunto cos seus anexos no Concello o 26 de outubro de 2009, baixo o rexistro de entrada número 3531/09; II) Someter á información pública a documentación do Plan especial de infraestruturas e dotacións dun centro de saúde no concello de Soutomaior por termo de dous meses, mediante anuncio que se publicará no Diario Oficial de Galicia e nun dos xornais de maior difusión na provincia; III) Notificarlles individualmente o acordo de aprobación e exposición pública a todas as persoas titulares catastrais dos terreos afectados; IV) Solicitar ás administracións públicas afectadas pola súa competencia sectorial que emitan o correspondente informe para os efectos regulados na lexislación sectorial.
12. Consta no Diario Oficial de Galicia núm. 149, do 5 de agosto de 2021 (pax. 39393) a publicación de anuncio de aprobación inicial de infraestruturas e dotacións obxecto do expediente con sometemento á información pública durante o prazo de dous meses.
13. Consta igualmente a publicación de anuncio de aprobación inicial e sometemento a información pública do sinalado documento na edición do xornal Faro de Vigo do 6 de agosto de 2021 (páx. 14).
14. Constan no expediente cursadas notificacións individualizadas aos seguintes titulares das seguintes parcelas catastrais afectadas pola actuación urbanística, co seguinte resultado:
|
Parcela-titular |
Notificación |
Alegacións |
|
36053A016004800000XW-LCL |
9.9.2021 |
Non constan |
|
36053A016004820000XB-MFP |
8.9.2021 |
Non constan |
|
36053A016004830000XY-CVC |
8.9.2021 |
Non constan |
|
36053A016004840000XG-EBM |
9.9.2021 |
Non constan |
|
36053A016004850000XQ-DAC |
8.9.2021 |
Non constan |
|
36053A016004860000XP-RCC |
8.9.2021 |
Non constan |
|
36053A016004870000XL-RLL |
9.9.2021 |
Non constan |
|
36053A016004880000XT-ALR |
15.9.2021 |
Non constan |
|
36053A016004890000XF-MFP |
8.9.2021 |
Non constan |
|
36053A016004900000XL-CCM |
9.9.2021 |
Non constan |
|
36053A016004900000XL-ELM/AFL |
8.9.2021 (ELM)/ |
13.9.2021 (ELM) Condición de copropietaria/(AFL) Non constan |
|
36053A016004930000XM-EBM |
9.9.2021 |
Non constan |
|
36053A016004940000XO-MCL |
9.9/2021 |
Non constan |
|
36053A016004810000XA-ALF |
8.9/2021 |
Non constan |
15. Constan igualmente solicitados tras la aprobación inicial e antes da aprobación provisional os seguintes informes sectoriais, co resultado indicado:
|
Administración |
Solicitude |
Resultado |
|
D.X. de Aviación Civil do Ministerio de Fomento |
7.9.2021 |
15.11.2021. Favorable con recordatorio de obrigas que non afecta o contido do documento |
|
Delegación de Goberno en Galicia |
8.9.2021 |
10.12.2021 e 16.12.2021. Favorable |
|
Ministerio de Industria, Comercio e Turismo |
8.9.2021 |
4.11.2021. Favorable |
|
Administración autonómica |
||
|
Dirección Xeral de Planificación e Ordenación Forestal |
8.9.2021 |
4.11.2021. Non incidencia |
|
Augas de Galicia |
8.9.2021- 23.11.2021 |
23.11.2021. Favorable con precisións |
|
Secretaría Xeral de Ordenación do Territorio e Urbanismo |
8.9.2021 |
10.9.2021. Posterior |
|
Administración Provincial |
||
|
Deputación de Pontevedra |
9.9.2021-2.12.2021 |
7.2.2022. Favorable condicionado |
16. O 25 de novembro de 2021 emitiu certificación a Secretaria Municipal canto á non presentación de alegacións dentro do prazo de exposición pública.
17. O 9 de febreiro de 2022 o equipo redactor presenta documento refundido para a aprobación provisional.
18. O 21 de febreiro de 2022 emiten informe os servizos técnicos municipais que conclúe que, no relativo á calidade técnica do planeamento proxectado e de conformidade do plan coa lexislación vixente, a proposta cumpriría coas determinacións do PXOM, ao seren todos os informes sectoriais de carácter favorable. En consecuencia, infórmase en sentido favorable coas seguintes precisións:
• Producida a aprobación provisional do presente plan especial, deberase dar traslado deste á Administración competente en materia de costas do Estado e da Comunidade Autónoma, co fin de que se pronuncien sobre el.
O nó enlace viario proposto será obxecto dun proxecto ordinario de obras de urbanización, que deberá ser informado novamente pola Deputación Provincial de Pontevedra anteriormente á súa aprobación por parte do Concello de Soutomaior.
Así mesmo, sinala a arquitecta municipal que as modificacións introducidas respecto do documento aprobado inicialmente non suporían cambio substancial en canto ao aprobado inicialmente. Neste sentido, a modificación máis relevante sería a introdución dunha nova rotonda para resolver os accesos ao ámbito, por solicitude da deputación provincial titular da estrada EP-2908.
19. O 1 de marzo de 2022 emítese informe da Asesoría Xurídica e Secretaría Municipal.
20. Consta no expediente acordo adoptado o 8 de marzo de 2022 pola Comisión Informativa de Obras, Urbanismo, Servizos e Medio Ambiente en sentido favorable á aprobación provisional do documento refundido e sometemento á DXOT para emisión de informe preceptivo.
21. En sesión desenvolvida o 11 de marzo de 2022, o Pleno do Concello de Soutomaior acorda aprobar provisionalmente o documento refundido do PEID do centro de saúde datado en febreiro de 2022. Ademais, acorda someter o documento aprobado provisionalmente, co expediente completo debidamente dilixenciado, á DXOTU da Consellería de Medio Ambiente, Territorio e Vivenda, para os efectos previstos no artigo 75.1.e) da Lei 2/2016, do 10 de febreiro, do solo de Galicia.
22. O 17 de marzo de 2022 elévase á DXOTU copia do expediente tramitado e documento do PEID aprobado provisionalmente para a emisión de informe preceptivo, rexistrándose.
23. O 16 de maio de 2022 recíbese informe da DXOTU do 13 de maio en sentido favorable á aprobación definitiva do documento, coas condicións indicadas nos puntos II.2 e II.3 do informe canto á adaptación formal do documento ás normas técnicas de planeamento urbanísticas (NNTTPP) aprobadas pola Orde do 8 de abril de 2022.
24. Constan solicitados, tras a aprobación provisional e antes da aprobación definitiva, os seguintes informe sectoriais en materia de protección de costas, co resultado indicado:
|
Administración |
Solicitude |
Resultado |
|
Administración do Estado. D. X. da Costa e o Mar. Ministerio para a Transición Ecolóxica e o Reto Demográfico |
19.5.2022- 8.6.2022 (remisión en castelán) |
Non emitido en prazo |
|
Administración autonómica. DXOTU. Consellería de Medio Ambiente, Territorio e Vivenda |
2.9.2022 |
9.9.2022. Favorable |
25. O día 21.9.2022 (2022-E-RE-1308) foi entregado o documento para aprobación definitiva do plan especial.
26. O día 21.9.2022 a arquitecta municipal emite informe técnico favorable.
27. O día 22.9.2022 a Secretaría emite informe-proposta favorable á aprobación definitiva.
28. Consta no expediente ditame favorable, do 26.9.2022, da Comisión Informativa de Obras, Urbanismo, Servizos e Medio Ambiente.
O Pleno do Concello, por unanimidade, adopta o seguinte
ACORDO:
«Primeiro. Aprobar definitivamente o Plan especial de infraestruturas e dotacións dun centro de saúde no concello de Soutomaior, redactado polos arquitectos Alfredo Garrote Pazos, Mónica Mesejo Conde e Sara Prieto Hortas, coas modificacións resultantes das observacións formuladas pola Dirección Xeral de Ordenación do Territorio e Urbanismo da Xunta de Galicia.
Segundo. Publicar o acordo de aprobación definitiva no Diario Oficial de Galicia, con indicación, de ser o caso, das medidas adoptadas para o seguimento dos efectos no ambiente e a referencia ao enderezo electrónico que figurará o contido íntegro do plan á disposición do público.
Terceiro. Comunicar o acordo de aprobación definitiva á consellería competente en materia de urbanismo, para a súa inscrición no Rexistro de Planeamento Urbanístico de Galicia, achegando un exemplar en soporte dixital, debidamente dilixenciado.
Cuarto. Notificar individualmente o acordo de aprobación definitiva do plan especial aos titulares catastrais dos terreos afectados aos cales xa se lles notificou a aprobación inicial deste».
Recursos.
Contra o presente acordo, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, con sede na Coruña, no prazo de dous meses, contados desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Todo iso sen prexuízo, de que poida interpor vostede calquera outro recurso que puider xulgar máis conveniente ao seu dereito.
O contido íntegro do Plan especial de infraestruturas e dotacións dun centro de saúde no concello de Soutomaior estará á disposición na ligazón seguinte: https://soutomaior.sedelectronica.es/transparency/54fc2165-b480-4484-b02b-5eccfe447a4f/
Soutomaior, 4 de outubro de 2022
Agustín Reguera Ocampo
Alcalde
