En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese á información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: LMT, CTC e RBT O Roupeiro (O Pereiro de Aguiar).
Situación: lugar do Roupeiro, concello do Pereiro de Aguiar.
Características principais recollidas no proxecto:
– Substitución do apoio núm. 82-A-3 por novo apoio metálico fin de liña, do tipo C-14/2000, do cal partirá a rede de MT subterránea, en condutor tipo RHZ1-2OL 12/20 kV 1×240 mm2 Al, que alimentará o CTC proxectado, con inicio no paso A/S proxectado no citado apoio da LMTA VLL813 (expediente IN407A 2016/167-3) e final no centro de transformación (CT) proxectado.
– CT prefabricado compacto de manobra exterior con envolvente de formigón, telecontrolado GSM/GPRS/FO 2L1P, con transformador de 250 kVA/20 kV en substitución do actual en caseta 32C876 (O Roupeiro). Illante en aceite mineral.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade de urxente ocupación para os efectos da expropiación forzosa dos bens e dos dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro industrial David Núñez Fernández, con número de colexiado 1534 do ICOIIG, o 31.5.2022.
2. A relación concreta e individualizada das persoas propietarias dos bens e dos dereitos afectados, que figura no anexo a este acordo.
3. Planos parcelarios do proxecto.
O que se fai público para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, de ser o caso, presentar as alegacións ou as observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación poderase examinar na Xefatura Territorial de Ourense da Vicepresidencia Primeira e Consellería de Economía, Industria e Innovación, rúa Curros Enríquez, 1, 32003 Ourense, e na seguinte ligazón web da consellería:
https://ceei.xunta.gal/transparencia/documentos-sometidos-a-informacion-publica
Ourense, 28 de setembro de 2022
Alicia María López Míguez
Xefa territorial de Ourense
ANEXO
Relación de bens e de dereitos afectados
Número de expediente: IN407A 2022/153-3.
Situación: lugar do Roupeiro, concello do Pereiro de Aguiar.
Denominación: LMT, CTC e RBT O Roupeiro (O Pereiro de Aguiar).
Predio número en proxecto: 1, referencia catastral: 32059A094002290000OQ.
Lugar: prados.
Cultivo: matogueira.
Titular: herdeiros de Antonio Armada.
Afeccións: apoio número 82-A-3, superficie de ocupación de 10 m2.
Predio número en proxecto: 2; referencia catastral: 32059A094002350000OT.
Lugar: prados.
Cultivo: improdutivo.
Titular: José Miguel Pérez Pérez.
Afeccións: CTC, superficie de ocupación de 17 m2, lonxitude: 1 m, servidume: 3 m2.