De conformidade co disposto nos artigos 44 e 46 da Lei 39/2015, do procedemento administrativo común das administracións públicas, notifícase a Celia Vilas Maneiro, mediante publicación no Boletín Oficial del Estado por vir devolta a notificación efectuada por Correos, a Resolución da Dirección de Portos de Galicia, do 29 de xuño de 2022, de reclamación dos custos de reparación do morrón do sistema de accesos ao porto de Portosín, danada a causa de sinistro ocasionado polo vehículo Audi coa matrícula 9944HJM.

Este anuncio publicarase no Boletín Oficial del Estado e no Diario Oficial de Galicia, ben que a eficacia do acto notificado quedará supeditada á súa publicación no BOE.

No expediente tramitado para o efecto emitiuse acordo de iniciación sen que no tramite de audiencia a interesada formulase alegacións.

A presente resolución emítea a Dirección de Portos de Galicia en virtude das competencias conferidas polo artigo 15.3, alíneas a) e b), da Lei 6/2017, do 12 de decembro, de portos de Galicia, e de acordo co previsto nos artigos 100 e 102 da Lei 39/2015, do 1 de outubro, do procedemento administrativo común das administracións públicas, e a vista da proposta ditada no procedemento.

O orzamento de reparación é de 2.520,45 euros, IVE incluído.

O aboamento por medio do impreso que poderá solicitarse na sede dos servizos centrais de Portos de Galicia deberá facerse nos seguintes prazos:

Se a publicación se realiza entre os días 1 e 15 de cada mes, desde a data da publicación ata o día 5 do segundo mes posterior ou, se este non for hábil, ata o inmediato hábil seguinte.

Se a publicación se realiza entre os días 16 e último de cada mes, desde a data de publicación ata o día 5 do segundo mes posterior ou, se este non for hábil, ata o inmediato hábil seguinte.

De non ingresar a dita cantidade no prazo sinalado, de acordo co artigo 101 da Lei do procedemento administrativo común das administracións públicas, seralle exixida mediante o procedemento previsto nas normas reguladoras do procedemento de recadación na vía executiva.

O presente acto administrativo, que ten eficacia executiva, non esgota a vía administrativa e contra el poderase interpoñer recurso de alzada perante o Consello Reitor de Portos de Galicia, no prazo dun mes contado desde o día seguinte ao da publicación.

O expediente completo atópase na sede dos servizos centrais de Portos de Galicia para o seu exame, das 9.00 ás 14.00 horas.

Santiago de Compostela, 22 de setembro de 2022

Roi Fernández Añón
Director de Portos de Galicia