O Pleno deste concello, en sesión ordinaria do 1 de setembro de 2022, adoptou o seguinte acordo:
Primeiro. Ao abeiro do artigo 42.5 da Lei 2/2016, do 10 de febreiro, do solo de Galicia, acórdase o cambio de uso do terreo reservado á dotación ou ao equipamento público que se identifica a seguir do seguinte xeito:
Identificación do terreo:
Predio rexistral inscrito co número 9.392 no tomo 612, no libro 213, no folio 102, do arquivo do Rexistro do Barco de Valdeorras. Inscrita a pleno dominio a favor do Concello do Barco de Valdeorras. O enderezo do inmoble segundo o padrón municipal vixente é na rúa Doutor Pérez Lista 38, O Barco de Valdeorras. Parcela catastral: 5981508PG6958S0001EZ. Actualmente neste terreo encóntrase a edificación denominada polo Plan xeral de ordenación municipal como SE-A2 (sistema xeral de equipamentos e: existente, a: administrativo).
Modificación do uso:
Uso dotacional previsto no Plan xeral de ordenación municipal: equipamento, clase de servizos públicos, servizos administrativos.
Novo uso dotacional que determina este acordo: equipamento, clase de servizos públicos, servizos administrativos e servizos da orde.
Segundo. Publicar este acordo no Diario Oficial de Galicia e no Boletín Oficial da provincia de Ourense e comunicalo á Dirección Xeral de Ordenación do Territorio e Urbanismo da Consellería de Medio Ambiente, Territorio e Vivenda, para os efectos da súa inclusión nos sistemas de información urbanística da Comunidade Autónoma.
O Barco de Valdeorras, 12 de setembro de 2022
Alfredo L. García Rodríguez
Alcalde