Logo de ser vistos os expedientes instruídos para os efectos de transmisión das bateas G.F. II e G.III e das concesións administrativas que as amparan, resultan:
a) Antecedentes de feito:
Primeiro. Mediante escritos do 24 de agosto de 2022, Norma Santomé García solicitou a autorización para a transmisión mortis causa das concesións administrativas e das bateas G.F. II e G.III.
Segundo. A persoa interesada achegou a documentación requirida para a tramitación.
b) Consideracións legais e técnicas:
Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro); e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia.
Segunda. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento dos viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e as demais normas de xeral e pertinente aplicación, esta consellería resolve:
Autorizar a transmisión mortis causa das concesións administrativas e das bateas que se indican a seguir:
Identificación:
Tipo: batea.
Nome: G.F. II.
Situación:
Cuadrícula número: 28.
Polígono: F.
Distrito: Cangas (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 14.5.1975.
Remate da vixencia: 15.12.2029.
Identificación:
Tipo: batea.
Nome: G.III.
Situación:
Cuadrícula número: 13.
Polígono: B.
Distrito: Redondela (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 4.3.1954.
Remate da vixencia: 15.12.2029.
Actual titular: José Ángel Rosendo Calvar (***1633**) (falecido).
Novos titulares: Norma Santomé García (***3364**), Carla Rosendo Santomé (***4671**), Rubén Rosendo Santomé (***4671**) e Anxo Rosendo Santomé (***4671**).
Os novos titulares das concesións subróganse nos dereitos e nas obrigas dos anteriores.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo ante a xurisdición contencioso-administrativa, no prazo de dous meses contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 6 de setembro de 2022
A conselleira do Mar
P.D. (Orde do 21.2.2022)
Sonia Lorenzo Santos
Xefa territorial de Vigo
