Ao abeiro do artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e xa que non se puido efectuar a notificación do acordo de iniciación do expediente, de conformidade co establecido nos artigos 44 e 46 da Lei 39/2015, do 1 de outubro, do procedemento administrativo común das administracións públicas, faise pública a notificación da obriga de xestionar a biomasa nas parcelas coas seguintes referencias catastrais:
Referencia catastral parcelas |
36028A229000070000XJ |
36028A208002650000XX |
36028A216205800000XU |
36028A329001800000IW |
36028A234002460000XX |
36028A229387340000XU |
36028A324004210000IU |
36028A204100790000XL |
36028A208002510001MH |
36028A216006430001MH |
36028A206100480000XS |
Por medio desta publicación concédeselles ás persoas titulares das parcelas citadas un prazo de 15 días, contado desde o día seguinte ao da publicación deste acordo, para proceder á xestión da biomasa das parcelas, sen prexuízo de que se promova a investigación da titularidade nos casos en que se descoñeza a titularidade dos inmobles, con base na Lei 11/2021, do 14 de maio, de recuperación de terra agraria de Galicia, coa aplicación das consecuencias derivadas da tramitación do dito procedemento.
Contra este acordo, que resulta ser un acto de trámite que non decide sobre o fondo do asunto, non cabe interpor recurso ningún; as persoas titulares das parcelas que figuran nesta publicación, e que así o acrediten, poderán recoller copia da resolución nas dependencias municipais e formular as alegacións que consideren oportunas e propoñer proba en caso de que o xulguen necesario.
O que notifico mediante publicación, en cumprimento do disposto nos artigos 40 e 44 da Lei 39/2015, do 1 de outubro, así como do artigo 22.3 da Lei 3/2007, do 9 de abril, de prevención e defensa contra os incendios forestais de Galicia.
Meis, 2 de setembro de 2022
Marta Giráldez Barral
Alcaldesa