Unha vez negociada e subscrita a proposta do convenio urbanístico sinalado, mediante Resolución da Alcaldía do 16 de setembro de 2022 e núm. 2022-1373, sométese o expediente ao correspondente período de información pública polo prazo dun mes, mediante anuncio publicado no DOG e nun dos xornais de maior difusión na provincia, de acordo co disposto na normativa vixente. Durante este período poderá examinar a proposta de convenio urbanístico calquera persoa e formular as alegacións que procedan.

Para estes efectos, o expediente administrativo do convenio urbanístico de cesión con reserva de aproveitamento dos terreos incluídos dentro do ámbito do solo urbano non consolidado POL-12 da rúa Nova de Arriba, cruzamento, estará dispoñible no sitio web do Concello de Bueu e no portal de transparencia e quedará á disposición do público en xeral nas dependencias da casa do concello, sita na rúa Eduardo Vincenti 8, Bueu 36930, no Departamento de Urbanismo, durante o período de información pública, en horario de atención ao público, de luns a venres, das 9.00 ás 14.00 horas.

Bueu, 21 de setembro de 2022

Félix Juncal Novas
Alcalde