Antecedentes:
Primeiro. O 26 de novembro de 2021 publicouse no Diario Oficial de Galicia a Resolución do 18 de novembro de 2021 pola que se establecen as bases reguladoras para a concesión de axudas, en réxime de concorrencia competitiva, ás comunidades de propietarios/as para a reparación, a rehabilitación e/ou a adaptación dos edificios de vivendas protexidas promovidos polo Instituto Galego da Vivenda e Solo, e se convocan para o ano 2022 (código de procedemento VI420A).
Segundo. O ordinal trixésimo quinto da devandita resolución determina a aplicación orzamentaria e a repartición do crédito orzamentario en dúas anualidades, de xeito que o importe máximo destas subvencións se instrumentará financeiramente con cargo ao proxecto 2002 06712 e á aplicación 2022 08 81 451A 781.0 dos orzamentos do Instituto Galego da Vivenda e Solo, e a súa contía será de 1.000.000 euros, repartidos en 150.000 euros na anualidade 2022 e 850.000 euros na anualidade 2023.
Terceiro. O punto segundo do devandito ordinal prevé a posibilidade de que a persoa titular do Instituto Galego da Vivenda e Solo poida incrementar o crédito orzamentario sinalado para a convocatoria do ano 2022.
Cuarto. O prazo de presentación de solicitudes abriuse o 3 de xaneiro e pechouse o 4 de abril. Na actualidade estanse a tramitar as solicitudes presentadas conforme o previsto nas bases reguladoras.
Fundamentos de dereito:
Primero. O artigo 26.3 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, prevé a posibilidade de modificar a distribución inicialmente aprobada nunha convocatoria de subvencións, supeditándoa unicamente á tramitación do correspondente reaxuste de anualidades no expediente de gasto.
Segundo. Así mesmo, o artigo 30.2 do Decreto 11/2009, do 8 de xaneiro, sinala que, excepcionalmente, a convocatoria poderá prever a posibilidade de ampliar o crédito cando o aumento veña derivado, entre outros supostos, da ampliación do crédito inicialmente previsto.
En virtude do anterior,
RESOLVO:
Reaxustar as anualidades previstas e, así mesmo, ampliar o crédito dispoñible da aplicación 08 81 451A 781.0 do proxecto 2002 06712, establecido no resolvo trixésimo quinto da citada resolución, que pasan a ter a seguinte distribución plurianual:
Crédito inicial |
||
Total |
2022 |
2023 |
1.000.000 € |
150.000 € |
850.000 € |
Crédito final |
||
2022 |
2023 |
|
1.100.000 € |
65.000 € |
1.035.000 € |
Santiago de Compostela, 5 de setembro de 2022
Ángeles Vázquez Mejuto
Presidenta do Instituto Galego da Vivenda e Solo