Expediente: IN407A 2022/094-1.
Promotora: UFD Distribución Electricidad, S.A.
Denominación da instalación: LMT, CT e RBT Monte Xalo.
Concello: Carral e Cerceda.
Feitos:
1. O 23.3.2022, a empresa promotora solicitou a autorización administrativa previa e a autorización administrativa de construción do proxecto de execución da dita instalación eléctrica, co fin de mellorar a calidade da subministración eléctrica aos clientes do lugar de Monte Xalo, nos concellos de Carral e Cerceda, onde se proxecta a instalación dun novo centro de transformación prefabricado de 250 kVA de potencia, unha liña de media tensión que o alimentará desde a nova cela do centro de transformación existente no CT Urbanización Castelo nº 2 (15C354, expediente 34068).
Achegan o proxecto que inclúa a memoria, os planos e o orzamento, ao abeiro do artigo 123 do Real decreto 1955/2000 que abrangue os seguintes documentos:
– Proxecto de execución denominado LMT, CT e RBT Monte Xalo, asinado por Victoriano, Gónzalez Lemos, enxeñeiro tecnico industrial con nº de colexiado 2980 de Vigo, o 10.3.2021.
– Anexo, asinado por Javier, Fernández Mitre, enxeñeiro industrial con nº de colexiado 15670 de Madrid, o 25.5.2022.
2. O proxecto non se someteu ao trámite de información pública, segundo o artigo 50 da Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro). En cumprimento do artigo 46.e) da dita lei, o solicitante achegou declaración responsable en que fai constar que dispón de acordos previos con todas as persoas titulares dos bens e dereitos afectados.
3. Consonte os artigos 127.1 e 127.2 do Real decreto 1955/2000, do 1 de decembro, déuselles traslado ás distintas administracións, organismos ou, se é o caso, empresas de servizo público ou de servizos de interese xeral afectadas dunha separata do proxecto, na parte en que a instalación puider prexudicar a bens e dereitos ao seu cargo, que contén as características da instalación e a documentación cartográfica correspondente. Solicitáselle o preceptivo informe ao Concello de Carral e Concello de Cerceda. UFD Distribución Electricidad, S.A. manifestou a súa conformidade coas condicións emitidas.
4. Os servizos técnicos da Xefatura Territorial emitiron informe favorable sobre a dita solicitude.
Consideracións legais e técnicas:
1. O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia; no Decreto 73/2022, do 25 de maio, polo que se fixa a estrutura órgánica das vicepresidencias e das consellerías da Xunta de Galicia e no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación.
2. A lexislación para aplicar neste expediente é a que a seguir se relaciona:
– A Lei 24/2013, do 26 de decembro, do sector eléctrico.
– O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.
– O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 á 09.
– O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 á 23.
– O Real decreto 842/2002, do 2 de agosto, polo que se aproba o Regulamento electrotécnico para baixa tensión.
– A Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).
3. As instalacións atópanse no lugar de Monte Xalo, nos concellos de Carral e Cerceda, e as súas características técnicas son as seguintes:
– LMTS, a 15 kV, de 810 m, con orixe en cela proxectada no CT Urbanización Castelo, nº 2 (15C354 expediente 34068), condutor tipo RHZ1-2OL 12/20 kV 1×240 mm² Al, e final no CT proxectado.
– Substitución de cela de liña+protección no CT Urbanización Castelo nº 2 (15C354 expediente 34068), por conxunto modular telecontrolado 2L+1P e construción de nova bancada para instalación de celas proxectadas.
No expediente consta un informe favorable dos servizos técnicos desta xefatura territorial.
De acordo con todo o sinalado,
RESOLVO:
1. Conceder a autorización administrativa previa e a autorización administrativa de construción á dita instalación de distribución eléctrica.
2. A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.
3. Para a posta en funcionamento da instalación autorizada deberá achegar ante esta xefatura territorial unha solicitude coa cal xuntará a seguinte documentación:
I. As declaracións de conformidade relativas ao material ou equipamento, e as certificacións ou homologacións, se procede.
II. Un certificado do/da director/a da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas oportunas na montaxe da instalación e posta a punto.
4. Esta aprobación outórgase sen prexuízo doutras que sexan de aplicación segundo a lexislación vixente, en especial, as relativas á ordenación do territorio e ao ambiente.
Contra esta resolución, que non é definitiva en vía administrativa, poderase interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que xulguen axeitado.
Mediante este documento notifícaselle á empresa promotora esta resolución, segundo o exixido no artigo 40.1 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
A Coruña, 1 de agosto de 2022
Isidoro Martínez Arca
Xefe territorial da Coruña