Na sesión que tivo lugar o día 28.6.2022, o Xurado Provincial de Clasificación de MVMC de Lugo, por unanimidade, acordou aprobar os seguintes deslindamentos entre montes veciñais e proceder ás oportunas modificacións nos expedientes correspondentes:
― Monte Chan de Busto (expediente 90/75), pertencente aos veciños do lugar de Vilabol; e monte da Trapa e Pena de Santalla (expediente 89/75), pertencente os veciños do lugar de Quintá. Ambos da parroquia de Quintá, no concello das Nogais.
O 19.1.2022 foi presentada unha solicitude (mellorada o 25.3.2022) relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Aportan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 12.4.2022, o Servizo de Montes emite un informe (2022_2) en que se especifican as modificacións que se producen nos montes, como consecuencia do deslindamento, e cuxas superficies pasan a ser:
– MVMC Chan de Busto: 66 hectáreas.
– MVMC Trapa e Pena de Santalla: 78 hectáreas.
Este deslindamento correspóndese co plano do anexo I, ao final deste anuncio.
– Monte Sinada (expediente 8/78), pertencente aos veciños do lugar de Sinada; e monte Mosteiro (expediente 130/78), pertencente aos veciños do lugar de Mosteiro. Ambos na parroquia de Mosteiro, concello de Navia de Suarna.
O 25.2.2022 foi presentada unha solicitude (mellorada o 30.4.2022) relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 6.5.2022, o Servizo de Montes emite un informe (2022_7) en que se especifican as modificacións que se producen nos montes, como consecuencia do deslindamento, cuxas superficies pasan a ser:
– MVMC Sinada: 106,39 hectáreas.
– MVMC Mosteiro: 167,37 hectáreas.
Este deslindamento correspóndese co plano do anexo II, ao final deste anuncio.
– Monte Granda Abilleira e Salgueiros (expediente 45/79), pertencente aos veciños da parroquia de Duarría; e monte Rodela, Gándaras de Castro e Granda de Abilleira (expediente 42/79), pertencente aos veciños da parroquia de Loentia, ambos no concello de Castro de Rei.
O 4.3.2022 foi presentada unha solicitude (mellorada o 6.6.2022) relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 16.6.2022, o Servizo de Montes emite un informe (2022_9) en que se especifican as modificacións que se producen nos montes, como consecuencia do deslindamento, cuxas superficies pasan a ser:
– MVMC Granda Abilleira e Salgueiros: 119,43 hectáreas.
– MVMC Rodela, Gándaras de Castro e Granda de Abilleira: 601,7 hectáreas.
Este deslindamento correspóndese co plano do anexo III, ao final deste anuncio.
– Monte Montareda e Corredoira (expediente 43/78), pertencente aos veciños da parroquia de Saldanxe; e monte Acevreiro (expediente 41/78), pertencente aos veciños da parroquia de Pastoriza, ambos no concello da Pastoriza.
O 4.5.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 30.5.2022, o Servizo de Montes emite un informe (2022_18) en que se especifican as modificacións que se producen nos montes, como consecuencia do deslindamento, cuxas superficies pasan a ser:
– MVMC Montareda e Corredoira: 264,14 hectáreas.
– MVMC Acevreiro, de 121,87 hectáreas.
Este deslindamento correspóndese co plano do anexo IV, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 12 de xullo de 2022
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo