A Xunta de Goberno Local do Concello de Lalín, na sesión ordinaria do día 29 de xuño de 2022, acordou aprobar inicialmente o expediente de modificación puntual do Plan de sectorización da cuarta fase do polígono industrial Lalín 2000, de iniciativa particular, promovido pola entidade Xestión do Solo de Galicia-Xestur, S.A.

De conformidade co disposto no artigo 75.1 da Lei 2/2016, do 10 de febreiro, do solo de Galicia, exponse o expediente ao público polo prazo de dous meses contados desde o día seguinte ao da publicación deste anuncio no Diario Oficial de Galicia, para que poida ser examinado polos interesados, nas dependencias da Secretaría municipal deste concello, e presenten, se é o caso, as alegacións ou reclamacións que consideren pertinentes.

Lalín, 5 de xullo de 2022

O alcalde
P.D. (Decreto da Alcaldía do 14 de agosto de 2020;
BOP núm. 162, do 24 de agosto)
Raquel Lorenzo Fernández
Concelleira delegada de Urbanismo